To`garak ishlari. To`garak ishlarini tashkil qilish sinfdan tashqi ishlarning eng
ko`p tarqalgan shakllaridan biridir. To`garak – sinfdan tashqi havaskorlik ishlarining
biror turiga umumiy maqsad va intilish bilan birlashgan o`quvchilar gruppasidir.
To`garak, odatda, bir sinf yoki parallel sinflarning yoki bo`lmasa aralash sinflarning 10
tadan 20 tagacha bo`lgan o`quvchilarini o`z ichiga oladi. To`garak sostaviga haddan
tashqari ko`p o`quvchilarni jalb qilishga intilish ma`qul emas, chunki bu to`garak ishini
qiyinlashtiradi. To`garakka yozilish ixtiyoriy ravishda olib boriladi. To`garakka birinchi
majlisda to`garak a`zolaridan saylab ko`rsatilgan to`garak boshlig`i boshchilik qiladi.
Agar to`garak a`zolari ko`p bo`lsa, bunday hollarda, odatda, uch o`quvchidan iborat
to`garak burosi saylanadi. To`garakka maxsus tayinlangan pedagog rahbarlik qiladi.
To`garaklar o`z ishlarini to`garak a`zolari bilan birgalikda ishlab chiqilgan reja asosida
olib boradilar.
Har bir to`garak o`zining taxminiy ish rejasiga ega bo`lishi maqsadga muvofiqdir.
Bu rejada to`garakning o`z oldiga qo`ygan vazifalari ko`rsatilgan bo`ladi. Ushbu reja
asosida to`garakning konkretlashtirilgan kalendar rejasi tuziladi. To`garakning faoliyati
va ish sharoitiga qarab uning reja va ish rejasi o`zgartirilishi mumkin.
To`garaklarning mashg`ulotlari o`qishdan tashqi vaqtda, muntazam ravishda
o`tkazilishi lozim. Har bir to`garakning qilgan ishi albatta to`garakning kundalik
jurnaliga to`garak boshlig`i yoki uning bironta a`zosi tomonidan yozib borilishi kerak.
O`quvchilar to`garaklari xilma-xil bo`lishi mumkin.
Fan to`garaklarining vazifasi to`garak a`zolarining ushbu fanga bo`lgan
qiziqishlariga tayanib o`quvchilarning bilimi va ongini har tomonlama Kengaytirish va
73
chuqurlashtirish, ularning ijodiy qobiliyatlarini o`stirish, ularni mustaqil ishlashga
o`rgatib borish, ularda amaliy ko`nikma va malakalarni hosil qildirishdan iboratdir.
Sinfdan tashqari ishlarni o’z ichiga olgan to’garaklar quyidagi turlarga bo’linadi;
-
Fan to’garaklari;
-
Kasb-hunar yo’nalishidagi to’garaklar;
-
Sport to’garaklari;
-
San’at yo’nalishidagi to’garaklar.
Sinfdan va maktabdan tashqi ishlarni yaxshi yo`lga qo`yishda maktab
jamoasi va o`qituvchilarining vazifalari. Sinfdan va maktabdan tashqi ishlar
o`quvchilarni ma`naviy-axloqiy ruhda tarbiyalashda, ularga bilim berishda muhim
vosita bo`lganligi tufayli bu ishlarni Keng yo`lga qo`yishga maktab direktorlari, ilmiy
mudirlar, shuningdek, o`qituvchilarjamoasikatta e`tibor berishi, «Kamolot»va
«Kamalak» tashkilotlari, ota-onalarjamoasiva maktab rahbaralri yordamidan har
tomonlama foydalanish kerak.
O`quvchilar bilan olib boriladigan sinfdan va maktabdan tashqi ishlarni
o`qituvchilar jon dillari bilan sevishlari, bu ishga rahbarlik qilishda ishtirok etishni
o`zlarining eng muhim vazifalaridan biri deb bilishlari zarur. Maktabning yangi vazifasi
har bir o`qituvchidan faqatgina o`z fani va uni o`qitishni a`lo darajada bilishnigina
emas, balki bilimlarni chuqur egallashni va bundan sinfdan tashqi ishlarni maqsadga
muvofiq yo`lga qo`yishda ijodiy foydalana bilishni, har tomonlama ma`lumot va
mahoratga ega bo`lishni talab qiladi. Bu vazifalarning muvaffaqiyatli hal qilinishiga har
taraflama yordam ko`rsatish har bir o`qituvchining oliy burchidir.
Sinfdan tashqari ishlar shaklini tanlaganda uning tarbiyaviy ahamiyatini shu
ishning maqsadi, vazifalari nuqtayi nazaridan baholash kerak.
Sinfdan tashqari ishlarning metodlari va vositalari tarbiya metodlari hamda
vositalaridan iboratdir. Ularni tanlash sinfdan tashqari ishning mazmuni, shakli bilan
belgilanadi. Masalan, pedagog bolalarning bilishga bo‘lgan qiziqishlarini, ong-bilim
doirasini kengaytirishga qaratilgan va „Inson va fazo“ deb nom-langan sinf
mashg‘ulotini tanladi deylik Shunda u quyidagi metod-lardan foydalanishi mumkin:
bolalar bilan suhbat (ularning qiziqishlari, mazkur masala yuzasidan xabardorligini
aniqlash maqsadida); bolalarga axborot tayyorlash bo‘yicha topshiriq (o‘ziga xos hikoya
metodi); o‘yin metodi turli variantlarda qo‘llaniladi (sujetli rollarga bo‘lib o‘ynaladigan
o‘yin elementlari - bunda maxsus o‘yin anjomlari yordamida bolalardan biri
„kosmos“ga yuboriladi va undan ko‘rayotganlarini tavsiflash so‘raladi); „parvoz rejasi“ni
tuzish - bunda bolalar kosmonavtlar bajaradigan ish turlarini aytib o‘tadilar; uzoq
sayyoralarda qoldirilgan sirli xatlarni rasshifrovka qilish va hokazo.
Savol va topshiriqlar
1. Boshlang‘ich sinf o‘qituvchilari olib boradigan sinfdan tashqari tarbiyaviy ishlarga
ta’rif bering.
2.Sinfdan tashqari tarbiyaviy ishlarning o‘ziga xos xususiyatlari nimalardan iborat?
3. Sinfdan tashqari tarbiyaviy ishlarning tashkil etilishiga doir qanday talablarni eslab
qolishni istardingiz? Nima uchun?
74
AMALIY MASHGULOT MAVZULARI ISHLANMALARI
IV-SEMESTR
1-Mavzu: Iste’dodli bolalarni aniqlash va ularni tarbiyalash
REJA:
1. Iste’dodli bolalarni aniqlash va ularni tarbiyalash
2. Iqtidorli bolalar bilan o`tkaziladigan tadbirlar.
3. Kashf qilish texnologiyalari
4. Ta’lim berish uchun sharoit
Tayanch tushunchalar:
Iqtidor, milliy mеntalitеt, dunyoqarash , tafakkur, fazilat, talent
,
texnologiya
Iste’dodning o’z vaqtida namoyon bo’lishi, tarbiyaga va qo’llab-quvvatlashga
bog’liqdir. Har qanday jamiyatga iste’dodli shaxslar zarur. SHu nuqtai nazardan
iste’dodli bolalarni aniqlash, tarbiyalash va o’qitish respublikaning bo’lajak aql-
zakovatli va ijodiy fikrlovchi kuchlarni tayyorlashning yagona manbaidir.
Ijodiy qobiliyatlar rivojini samarali amlga oshirish uchun o’quvchilar iste’dodini
aniq taxlil etish, bolalarning o’ziga xos psixologik jihatlarini va fazilatlarini hisobga
olish zarur.
Turli yoshdagi iste’dodli o’quvchilarni namoyon etishda xozirgi kunda, avvalo
maktab pedagogika jamoasi ruhiy-diagnostika tajribalardan unumli foydalanishlari
zarur.
Yoshlar iste’dodining namoyon bo’lishiga qobiliyaьlarni aniq tahlil etish, bolaning
o’ziga xos fazilatlarini hisobga olish ijodiy qobiliyatlar rivojini samarali amalga oshirish
uchun zarur. Qobiliyatlarni rivojlantirish uchun jaraja va bosqichlari yangicha
munosabatlar bilan bog’liq bo’ladi.
Qobiliyatning ma’lum bir darajadaistalgan o’quvchida shakllangan bo’lishi
mumkin. Bu esa tashkil etilgan tarbiya va o’quv jarayoni sharoitlarida rivojlantiriladi.
O’quvchi yoshlar qobiliyatini rivojlantirish maqsadida iste’dod va iqtidorni ongli
rag’batlatirish, mukammallik uchun sharoit yaratish, ularning ijobiy qiziqishlari rang-
barangligini oshirish, turli ko’rgazmali tadbirlarda ishtirok ettirish, olimpiadalar,
tanlovlar, uchrashuvlarga jalb etish lozim.
Iste’dodli bolalarning taniqli olimlar laboratoriyalarida shug’ullanishi, shoir,
yozuvchi, rassom kabi san’at namoyondalari bilan hamkorlik qilishni tashkil etish
muhim ahamiyatga ega.
Bolalar ijodiy qobiliyatlarini rivojlantirishda oila va muhitning ahamiyati yuksak.
Ayniqsa respublikaning qishloq joylarida iqtidorli bolalarni izlash, topi shva ularning
ta’lim va tarbiyasini muntazam ravishda to’g’ri yo’lga qo’yish muhimdir.
75
Iste’dodli bolalarni joylarning hududiy xususiyatlarini hisobga olib, ijodiy kamol
toptirishda diagnostik uslubiyatlar, o’quv rejalari va o’quv uslubiy, tarbiya va ta’lim
dasturlari bilan ta’minlash lozim.
SHuningdek, iqtidorli bolalarni izlash, toppish va tarbiyalash uchun zamonaviy
moddiy-texnik va moliyaviy jihatdan to’liq ta’minot zarur.
Iste’dodli bolalar salomatligini muhofaza qilish uchun ularni ruhiy zarbalardan
asrash yo’llarini aniqlash, ruhan yordam ko’rsatish, ruhiy xayajonlanish holatlarini
o’rganish – ularning ijodiy qobiliyatlarini rivoji uchun sharoit yaratish bo’yicha
tavsiyalar ishlab chiqish darkor.
Ushbu vazifalarni amalga oshirish uchun tarkibiga Xalq ta’limi, Oliy va o’rta
maxsus ta’lim vazirliklari xodimlari, yetakchi olimlar va mutaxasislar, ijodkorlar,
amaliyotchi o’qituvchilar, to’garak rahbarlaridan iborat Respublika metodik kengashi
tuzulishi lozim.
Turli yoshdagi guruhlar iste’dodlarni qidirishning umumiy dasturi zarur. Ommaviy
o’quv yurtlarida bo’lganidek, maktabdan tashqari ta’lim muassasalarida ham bu borada
o’quv dasturi rejalarini ishlab chiqish kerak bo’ladi.
Iste’dodli bolalarni aniqlash, tarbiyalash va o’qitishni ta’minlash quyidagi
omillarga bog’liq:
- ushbu aniqlashning ijtimoiy ahamiyatini, respublikaning zakovati, ijodkorligi,
kuch-qudratini tayyorlashning istiqboli bilan bog’liqligini tushunishga;
- ruhiy diagnostik uslubiyat, uslubiy materiallari bo’lgani holda turli yoshdagi
guruhlarda aniqlashning umumiy dasturlari yaratilishiga;
- iste’dodli bolalar (maxsus tayyorlangan rejalar, dasturlar va ilmiy asoslangan
uslubiyat va hokazo bo’yicha) bilan ishlash uchun ixtisoslashgan muassasalarning
yagona tarmog’ini targ’ib etishga;
- ommaviy o’quv yurtlarida iste’dodli bolalar bilan ishlash uchun zarur o’quv-
dasturiy qo’llanmalarini ishlab chiqishga;
- joylarda mahsus guruhlar tomonidan ishlab chiqilgan xalq ta’limi, davlat va
jamoat muassasalari, ijodiy uyushmalar tomonidan tasdiqlangan dasturlarga (bu
dasturlarda iste’dodli bolalar bilan ishlashning istiqbollari va bosqichlari, o’z xududida
bunday faoliyat va ko’pgina boshqa tadbirlar uchun mablag’ ajratish ularni
ta’minlashga);
- qo’yilgan vazifalarni hal qilishga keng jamoatchilik diqqatini jalb qilishga,
respublika metodik kengashining tuzilishiga (bu kengash tarkibiga Xalq ta’limi, Oliy va
o’rta maxsus ta’lim vazirliklari, xalq ta’lim boshqaruv organlari xodimlari, yetakchi
olimlari va mutaxassislari, ijodiy uyushmalar, amaliyotchi o’kituvchi, maktabdan
tashqari ta’lim muassasalari to’garak raxbarlari kiradilar);
- ilmiy tadqiqotlar maktablar uchun me’yoriy xujjatlar, sinf ishlanmalari majmuiga,
iste’dodli o’kuvchilar haqida ma’lumotlar manbaini yaratishga, ularni o’qitish va
tarbiyalashning (tabaqalashtirish, individuallashtrish, insonparvarlashtirish) yagona
uslubiy asosini yaratishga bog’liq.
Iste’dodli va iqtidorli bolalarning o’kituvchi hamda tarbiyachilari alohida
iste’dodlar uchun turlicha o’kuv reja va dasturlariga ega bo’lishlari maqsadga muvofiq.
Iqtidorli bolalar va istedodli yoshlarni aniqlash va o’qitish uslubiyati, psixologik-
pedagogik va tashkiliy sharoitlarini yaratish. maxsus o’kuv dasturlari va progressiv
76
pedagogik texnologiyalar ishlab chiqish uchun eng yaxshi pedagog va olimlarni faol
ishtirokini ta’minlash.
Iqtidorli bolalar va iste’dodli yoshlarni chet ellarda umumiy va kasbiy jihatdan
tayyorgarlikdan o’tkazishga qaratilgan sobit qadam faoliyatni amalga oshirish.
Akademik litseylarning o’quvchilariga, birinchi navbatda iqtidorli, yuksak iste’dod
sohiblariga, bilimning tegishli sohalari va fanning aniq yo’nalishlari bo’yicha o’z tabiiy
qobiliyatlarini namoyon etish va rivojlantirish, o’zlaridagi noyob iste’dodni ro’yobga
chiqarish uchun keng imkoniyatlar yaratish.
Iqtidorli bolalar bilan o`tkaziladigan tadbirlar.
Iqtidorli o‘quvchi bilan qanday ishlash kerak? Bu — ko‘pchilik o‘qituvchilar
oldida muammo bo‘lib kelayotgan savol. Har bir sinfda iqtidorli bolalar bor. U qanday
bola? Iqtidorli bola — ziyrak, qiziqqon, xotirasi kuchli, e’tiborli, mantiqiy fikrlaydigan,
ko‘p savol berib, bilishga intilayotgan, turli masalalarni tez va oson yecha oladigan
o‘quvchidir. Aqliy sog‘lom bolalarni oddiy, iqtidorli va o‘ta iqtidorli guruhlarga ajratish
mumkin.
Kadrlar tayyorlash milliy dasturida «Iqtidorli bolalar va iste’dodli yoshlarni
aniqlash va o‘qitish uslubiyati, psixologik-pedagogik va tashkiliy sharoitlari yaratiladi,
bunday bolalar va yoshlarga oid ma’lumotlarning respublika banki va monitoringi
shakllanadi. Maxsus o‘quv dasturlari va progressiv pedagogik texnologiyalar ishlab
chiqish uchun eng yaxshi pedagog va olimlar jalb qilinadi, o‘quv-tarbiya jarayonida
ularning faol ishtiroki siyosat va iqtisodiyotni, madaniyat va san’atni o‘rgatish
markazlari qabilidagi hamda milliy (elita) ta’lim muassasalari tashkil etiladi.
Iqtidorli bolalar va iste’dodli yoshlarni chet ellarda umumiy va kasbiy jihatdan
tayyorgarlikdan o‘tkazishga qaratilgan sobit qadam faoliyat amalga oshiriladi.
Akademik litseylarning o‘quvchilariga, birinchi navbatda iqtidorli, yuksak iste’dod
sohiblariga, bilimning tegishli sohalari va fanning aniq yo‘nalishlari bo‘yicha tabiiy
qobiliyatlarini namoyon etish va rivojlantirish, o‘zlaridagi noyob iste’dodni ro‘yobga
chiqarish uchun keng imkoniyatlar yaratiladi», deyilgan. Bu vazifalarni bajarish har
birimizdan tinimsiz mahorat va ijodiy izlanishni talab etadi.
Hozirgi kunda ta’limda iqtidorli o‘quvchi-yoshlarga alohida e’tibor berilayapti. Ularga
chuqur bilim berish, qobiliyatini rivojlantirish, iqtidorini o‘stirish ishlari tobora
rivojlanmoqda.
Bolalarning qobiliyati, iste’dodini rivojlantirish uchun ixtisoslashgan maktablar va
sinflar tashkil etilgan. Iqtidorli o‘quvchilarning aksariyati san’atga, she’riyatga,
musiqaga, sportga qiziqadi. Shuning uchun fan va yo‘nalishlar bo‘yicha to‘garaklar
faoliyat ko‘rsatayotir. Iqtidorli bolalarni qobiliyatiga qarab musiqa maktablari, sport
maktablari, san’at studiyalari, ijodiyot klublari va saroylari, kutubxonalarga jalb etish
shu kunning dolzarb vazifalaridan bo‘lib turibdi.
Ma’lumki, har bir sinfda iqtidorli bolalar bor. O‘qituvchilar, sinf rahbari ulardan
guruhlar tuzib, qo‘shimcha topshiriqlar bersalar, ular bilan alohida ishlasalar, darslar
davomida ham bunday o‘quvchilarga mavzuni kengroq, qo‘shimcha manbalardan
foydalangan holda tushuntirsalar, muammoli savollar bersalar o‘quvchi uchun ham
o‘qituvchi uchun ham yaxshi bo‘lar edi. Ixtisoslashtirilgan, ya’ni iqtidorli bolalar uchun
darslarni yuksak saviyada qiziqarli, ilmiy jihatdan yuqori darajada qilib o‘tkazish
zarurdir. Bu o‘qituvchidan katta mas’uliyat va mahoratni talab etadi.
77
«Matematika» faniga yo‘naltirilgan (ixtisoslashtirilgan) sinflarni olaylik.
Bunday sinfga matematik qobiliyatga ega bo‘lgan, ziyrak, kuchli xotiraga ega, aqlli,
mantiqan fikrlaydigan zukko bolalar tanlab olinadi. Tanlab olingan bolalar
ixtisoslashtirilgan sinfning o‘quvchilari hisoblanib, ular ixtisoslashtirilgan sinf
(maktab)ning qoidalariga to‘liq rioya qilishlari kerak.
Iqtidorli o‘quvchilar haqida nimalarni bilish lozim?
Iqtidorli bola bo‘sh vaqtida nima bilan shug‘ullanishini, unga qanday kitoblar yoqishini,
qanday ko‘rsatuv, eshittirish, gazeta-jurnallarga qiziqishini qanday o‘yinlar,
mashg‘ulotlarni ishtiyoq bilan bajarishini aniqlash zarur bo‘ladi. Bu ma’lumotlar
o‘quvchilar bilan yakka tartibda ishlanganida hamda dars jarayonida asqotadi.
Darslarda faqat matematika bilan chegaralanibgina qolmay, balki o‘quvchilarga
kompyuter savodxonligini, shaxmat o‘yinini ham o‘rgatish foydadan xoli bo‘lmaydi.
Chunki kompyuterni o‘rganish matematikani yanada chuqur bilishga yordam bersa,
shaxmat o‘yini o‘quvchini fikrlashga, aqlini charxlashga xizmat qiladi. Matematikaga
ixtisoslashtirilgan sinflarda «Matematik kechalar», «Kompyuter bilimdoni»,
«Geometrik jismlar yasash», «Eng yaxshi matematik boshqotirma tuzish» tanlovlari,
o‘quvchilar orasida shaxmat musobaqasini o‘tkazish maqsadga muvofiqdir.
Darslarda o‘qituvchi darslikdagi barcha misol-masalalarni yechishdan tashqari,
qo‘shimcha matematik adabiyotlardan foydalanib, o‘tilgan mavzuga mos masala, misol,
topshiriqlar berilsa, o‘quvchining bilimi oshishi bilan bir qatorda, unda turli
murakkablikdagi misollarni yechishga malaka hosil bo‘ladi.
Matematikaga ixtisoslashgan sinflarda o‘quvchilar DTS talablariga asosan berilgan
masalalarni mustaqil, qisqa shart tuzib yechishlari, misol-tenglamalarni mustaqil
yechishlari, darslikdagi mavzularning savollariga qiynalmay javob berishlari kerak.
Darsda mavzuga bog‘lab va darsdan tashqari bunday sinf (maktab) o‘quvchilariga
kompyuter savodxonligi va shaxmat o‘yini o‘rgatib boriladi. Chunonchi, matematikaga
ixtisoslashtirilgan sinflarning o‘quvchilari bilan darsdan keyin o‘tkaziladigan tadbirlarni
hafta davomida quyidagicha rejalashtirish mumkin:
Haftalik tadbirlar
№ Kunlar O‘tkaziladigan tanlov — musobaqalar
1 Dushanba «Yosh matematik» tanlovi
2 Seshanba «Geometrik jismlar yasash» tanlovi
3 Chorshanba O‘quvchilar orasida shaxmat musobaqasi
4 Payshanba «Kompyuter bilimdoni» tanlovi
5 Juma «Eng yaxshi matematik boshqotirma tuzish» tanlovi
6 Shanba «Matematik kecha» yoki «Zakovat» o‘yini
Eslatma: Shanba kuni toq sanaga to‘g‘ri kelsa «Zakovat» o‘yini o‘tkaziladi, juft
sanaga to‘g‘ri kelsa «Matematik kecha» o‘tkaziladi.
Agar bu reja bo‘yicha o‘quv yili davomida darsdan keyin yuqoridagi tadbirlar
o‘tkazilsa, o‘quvchilarning bilimi, qobiliyati, mantiqiy fikrlashi ortadi.
Matematikaga ixtisoslashtirilgan sinflarning o‘quvchilari bilan darsdan keyin
o‘tkaziladigan tadbirlarni oy davomida quyidagicha rejalashtirish mumkin:
Oylik tadbirlar
№ Oylar O‘tkaziladigan tadbirlar
1 Sentyabr «Matematika tarixini o‘rganamiz»
78
2 Oktyabr «Raqamlar olamida»
3 Noyabr «Buyuk matematiklar ijodidan»
4 Dekabr «Kim ko‘p matematik yangiliklarni biladi?» viktorinasi
5 Yanvar «Matematika mamlakatining qiroli» tanlovi
6 Fevral «Matematik she’riyat kechasi»
7 Mart «Matematika mamlakatining qirolichasi» tanlovi
8 Aprel Texnika olamiga sayohat
9 May «Eng yaxshi matematik o‘yinni tuzish» tanlovi
Bu tanlov-tadbirlar yil davomida oyma-oy o‘tkaziladi. Agar matematikaga
ixtisoslashtirilgan sinf (maktab) o‘qituvchilari yuqoridagi haftalik va oylik reja-
jadvallardan foydalanib, iqtidorli o‘quvchilarning darsda va darsdan keyin ta’lim
olishini rejalashtirsa, yaxshi natijaga erishadi. Yuqori natijalar esa, yurtimizning
kelajagi bo‘lgan yoshlarning barkamol, yetuk, ilmli bo‘lib voyaga yetishlariga zamin
yaratadi va bu yurtimizning ravnaq topishida o‘z ifodasini ko‘rsatadi.
Iqtidorli bolalarni, shuningdek, diqqatni nimagadir yuqori darajada jamlay olish,
unga qiziqarli bo‘lgan sohada natijaga erishishga qunt bilan intilishi ajratib turadi. Shu
bilan birga, ularning ko‘pchiligiga xos bo‘lgan turli-tuman qiziqishlari ba’zan shunga
olib keladiki, ular bir nechta ishni bir vaqtda boshlashadi, shuningdek, nihoyatda
murakkab vazifalarni o‘z zimmalariga oladilar. Ularda, shuningdek, aniq sxema va
klassifikatsiyalarga qiziqish bo‘ladi. Masalan, ular turli xil jadvallar tuzish, tarixiy
faktlar, sanalarni sistemalashtirishni yaxshi ko‘rishadi.
Biroq,
umuman
olganda,
iste’dodli
bolalarni
diagnos-
tikalash mumkin, agar ular ulkan fikrlash mustaqilligi bilan ajralib turishsa, nozik
yumor tuyg‘usi, ishni tashkil qilish va tartibga e’tibor bermaslik ularga xosdir. Ularning
asosiy ustunliklaridan biri shundan iboratki, ular umumqabul qilingan tushunchalarga
jur’at bilan shubha bildiradilar, ular hamma narsaga istehzo bilan qarashadi hamda
avtoritetlarni ham hurmat qilishadi. Ularni, odatda, atrofdagilarning mavqei va
qarashlarini idrok qilish hayajonga solmaydi, ular umum qabul qilingan nuqtai
nazarlarni ajratmaydilar. Shuning uchun ular bolaligida — o‘qituvchilariga,
ulg‘ayganlarida — boshliqlariga ko‘plab tashvish keltirishadi... Ammo aynan ular
to‘g‘risida mashhur pedagog va psixolog Sh.Amonashvili mehr bilan o‘rinli gap aytgan:
«Shumtakalar — taraqqiyot dvigatelidir»...
Kashf qilish texnologiyalari
Aksariyat ota-onalar, shuningdek, pedagoglar ham ba’zan turli xil testlarga
sidqidildan ishonishadi, ular iste’dodni kashf qilish imkonini beradi, deb bilishadi.
Testlardan keng foydalanadilar hamda so‘ngra bolalarni osongina, hatto yuzakilarcha
«iqtidorli» va «iqtidorsiz»ga ajratib qo‘yishadi. Shuni bilish va esda tutish kerakki,
qandaydir bir metodika yordamida buni amalga oshirish mumkin emas, negaki, bu
kompleks, juda uzoq vaqt davom etadigan, eng asosiysi, alohida professional yetuklikni,
sezgirlikni, nazokatlilikni talab etadigan jarayondir. Bugungi kunda amalda bo‘lgan
favqulodda qobiliyatga ega bolalarni kashf qilish diagnostika tizimi — bu juda
murakkab tizim bo‘lib, ba’zan mutaxassislarning o‘zlari uchun ham ziddiyatli
jarayondir. Ko‘plab mutaxassislar shundan haqqoniylik bilan ta’kidlaydilarki,
taxminlardagi ko‘p sonli xatoliklar nafaqat takomillashmagan testlar bilan, balki, iqtidor
fenomenining o‘zining murakkabligi va ko‘pqirraliligi bilan izohlanadi.
79
Oddiy kishilar tushunchasida iqtidor testi faqatgina aqliy salohiyatni aniqlovchi JQ
testlari bilan assotsiatsiyalanadi. Har bir iste’dod uchun har qanday holatda, aytib
o‘tganimizdek, turli ko‘rinishdagi testlar mavjud. Ulardan eng ko‘p tarqalganlari —
Ketell, Aitxauer, Ravenning intellektni aniqlash testlari, Gilford, Garrensning ijodiy
salohiyatini aniqlash testlari, D.Bogoyavlenskayaning «kreativ maydon» metodi,
Ye.Tunik testi, Jonson so‘rovnomasi va boshqa ko‘plab testlar butun psixologlar
tomonidan keng foydalanilmoqda. Ularni qo‘llashning o‘ziga xos nozik tomonlari ham
mavjud. Masalan, intellektual iqtidor universal shaxsiy xarakteristika sifatida ko‘rib
chiqilmasligi kerak. Taniqli amerikalik olim P.Torrens o‘z o‘quvchilarini kuzatar ekan,
shunday xulosaga keldiki, ijodiy faoliyatda (gap ijodkorlik iqtidori haqida bormoqda)
yaxshi o‘qiydigan bolalar ham, JQ yuqori darajada bo‘lgan bolalar ham muvaffaqiyat
qozonavermaydilar. Aniqrog‘i, bu shartlar ishtirok etishi mumkin, ammo yagona shart
bo‘la olmaydi. Ijod uchun boshqa nimadir zarur. Ba’zi amaliyotchilar fikricha, boshqa
amaliy va ob’ektiv metodlar ham bor. Masalan, kuzatuv, bolani hech narsa qilmasdan,
faqatgina uzoq vaqt kuzatsangiz qandaydir individualliklarini farqlaysiz. Uning
iste’dodliligini tahlil qilish uchun faqatgina o‘ziga tegishli bo‘lgan qandaydir
xususiyatlarini namoyon qilish yoki har tomonlama kuzatuv yo‘li bilan olingan yaxlit
xarakteristika zarur. Kuzatuvning afzalligi yana shundan iboratki, u tabiiy sharoitlarda
olib borilishi, bu esa kuzatuvchiga yanada nozik jihatlarni payqash imkonini berishi
mumkin. Diagnostikada tabiiy eksperimentning ham takrorlanmas o‘rni bor, masalan,
odatiy maktab darsida yoki to‘garak mashg‘ulotlarida tadqiqot uchun zarur vaziyat
yaratilganida, bu bola uchun mutlaqo odatiy hol bo‘lishi hamda u o‘zining maxsus
kuzatilayotganini sezmasligi ham mumkin. bunday holatda asosiysi va eng muhimi,
bola iqtidori belgilarini kuzatish va rivojlanishini o‘rganish zarurligi g‘oyasi
hisoblanadi. Biografik metod iste’dodni namoyon qilish va o‘rganishda katta qiziqish
uyg‘otadi. Hayot yo‘lini o‘rganish ayni damda sinovdan o‘tayotgan xususiyatlarni
tushuntirishga samaraliroq yondashuv bo‘lgani singari kelajagini taxmin qilish usuli
sifatida ham keng tarqalgan. Biografik metodlar bevosita bolaga mo‘ljallangan, ota-
onalar, tarbiyachilar, pedagoglar uchun alohida so‘rovnomalar, shuningdek, ular bilan
suhbat va intervyulardan iborat bo‘lishi mumkin. Ota-onalarga beriladigan savollar
taxminan quyidagi tarzda bo‘lishi mumkin: «Bola qandaydir bir buyumdan g‘ayriodatiy
tarzda foydalangan holat bo‘lganmi?», «Bolangiz o‘z o‘yinlari, ermaklarini o‘ylab
topadimi?»
Zamonamizning ko‘plab psixolog-olimlari, ayniqsa, amerikaliklar yangi diagnos-
tik metodikalar ichida biografik so‘rovnomalar birinchi planga chiqadi, deb
hisoblashadi, negaki, ularni ham bolalarga, ham o‘smirlarga nisbatan qo‘llash mumkin.
Ular iqtidor imkoniyatlarini namoyon qilish va uning yutuqlarini taxmin qilishda
an’anaviy testlardan ko‘ra ishonchliroq, deb hisoblaydilar. Bunday metodning
afzalligini e’tirof etish an’anaviy intellekt va kreativlik testlaridagi kamchiliklarni
ko‘rsatish imkonini berdi.
Shuni unutmaslik lozimki, iste’dodni namoyon etishga kompleks yondashuv
xatoliklardan butunlay xoli emas. Natijada iqtidorli bola e’tibordan chetda qolishi yoki
aksincha, iqtidorli bolalar qatoriga bunday bahoni hatto unga barcha zarur sharoit
yaratib berilganida ham keyingi faoliyatida oqlay olmaydigan bola qo‘shilib qolishi
ham mumkin. Shuningdek, iqtidorning u yoki bu yosh xususiyatlari bilan aloqasi hamda
yosh o‘zgarishlari jarayonining o‘zini nazardan qochirmaslik lozim. Va yana eng
80
asosiysi, hech qachon esdan chiqarish mumkin emaski — diagnostika faqat va faqat
professional tayyorgarlikka ega, iqtidorli bolalar bilan ishlash bo‘yicha katta tajribaga
ega psixologlar tomonidan o‘tkazilishi lozim.
Do'stlaringiz bilan baham: |