Низом 1-боб. Умумий қоидалар

2-боб. Асосий тушунчалар

4. 
   Ушбу Низомда қуйидаги асосий тушунчалар ва атамалар қўлланилади:
   

GPA (Grade Point Average) – таълим олувчининг таълим муассасаси таълим дастури бўйича ўзлаштирган балларининг ўртача қиймати бўлиб, у қуйидагича ҳисобланади:



K₁*U₁ + K₂*U₂ + K₃*U₃ … + K_n*U_n
K₁ + K₂ + K₃ …+ K_n





GPA = , бунда:

K – фанга ажратилган синов бирликлари миқдори;

U – фан бўйича тўпланган балл.
жўнатувчи муассаса – талаба, таълим олувчи ёки профессор-ўқитувчини мобиллик дастури бўйича қабул қилувчи муассасага жўнатувчи муассаса. Жўнатувчи муассаса таълим муассасаси, ишлаб чиқариш ёки бошқа шаклдаги ташкилот бўлиши мумкин;
қабул қилувчи муассаса – талаба, таълим олувчи ёки профессор- ўқитувчининг мобиллик даврини ўтиш жойи. Қабул қилувчи муассаса таълим муассасаси, ишлаб чиқариш ёки бошқа шаклдаги ташкилот бўлиши мумкин;
малака берувчи таълим муассасаси – белгиланган миқдордаги синов бирликларини тан олишни ҳисобга олган ҳолда, таълим олувчига таълим ва малака тўғрисидаги ҳужжатни берувчи таълим муассасаси;
меҳнат харажатлари – расмий ўқитиш (талабани таълим дастури бўйича ўқитиш) жараёнида кутилаётган натижаларга эришиш мақсадида ўртача баҳога ўқиётган талабага зарур бўладиган ўқув фаолиятининг маъруза, семинар, лойиҳа, амалий топшириқлар, иш жойидаги стажировка, мустақил ишлар каби барча турларини амалга ошириш учун талаб қилинадиган вақтни тахминий баҳолаш;
норасмий ўқитиш – режалаштирилган фаолият шаклида (ўқитишнинг мақсади ва вақти нуқтаи назаридан) амалга ошириладиган ва аниқ ўқув қўллаб-қувватлаш (масалан, таълим олувчи – ўқитувчи муносабатлари) мавжуд бўлгандаги ўқитиш;