Низом 1-боб. Умумий қоидалар

8-боб. Таълим олувчини кўчириш, четлаштириш, қайта тиклаш механизмлари

64. 
    Таълим олувчи Университетдан ўз хоҳиши бўйича, тиббий кўрсатмалар, Устав ва ички тартиб-қоидаларни қўпол ёки мунтазам бузиш каби сабаблар асосида четлаштирилиши мумкин. Четлаштирилган талабага белгиланган шаклдаги таълим тўғрисидаги маълумотнома берилади.
    
65. 
    Семестр/ўқув йили якуни натижалари бўйича академик қарздорлиги бор таълим олувчилар ўқишдан четлаштирилмайди.
    
66. 
    Бир фандан 5 аудитория машғулотини (10 синов бирлиги соати) сабабсиз қолдирган талаба автоматик равишда якуний назоратга киритилмайди, синов бирлигини ҳисобга олмасдан ўқитувчи томонидан ушбу фандан четлаштирилади. Университетнинг имконияти бўлганда талаба фанни таътил вақтида қайта ўқиш ҳуқуқига эга бўлади.
    
67. 
    Таълим олувчини босқичдан-босқичга ўтказиш унинг GPA қийматини ҳисобга олган ҳолда амалга оширилади. Белгиланган GPA ўтиш балини тўплай олмаган талаба босқични қайта ўқишга қолдирилади. Шу тариқа, таълим олувчи шартнома асосида бир босқичда бир неча маротаба ўқиши мумкин.
    
68. 
    Таълим олувчи Ўзбекистон Республикаси қонун ҳужжатлари асосида ўқишини қайта тиклаш ва кўчириш ҳуқуқига эга. Таълим олувчи томонидан четлаштиришгача ўзлаштирган синов бирликлари миқдори Университет томонидан тўлиқ ҳажмда ҳисобга олинади.
    

9-боб. Якунловчи қоидалар

69. 
    Университетда таълим олишнинг тўлов қиймати Ўзбекистон Республикасининг амалдаги қонун ҳужжатлари асосида белгиланади.
    
70. 
    Фанлар бўйича қайта таълим олиш учун тўлов қиймати Университет томонидан бутун ўқув йилининг контракт суммасидан келиб чиқиб белгиланади. Қайта таълим олиш учун тўлов механизми Университет томонидан бир кредит қийматини ҳисоблаш асосида белгиланади. Бир кредит қиймати бир йил давомидаги таълим олиш учун тўланган умумий суммани режалаштирилган синов бирликлари (кредитлар) миқдорига бўлиш йўли билан аниқланади.
    
71. 
    Талаба Университет таълим дастурини муваффақиятли ўзлаштирган тақдирда унга тегишли академик даражасини тасдиқловчи диплом берилади ва таълим дастури бўйича кўрсатилган таълим олиш натижалари ушбу Низомнинг
    11-иловасига мувофиқ академик даражасини белгиловчи диплом иловаси билан тасдиқланади.
    
72. 
    Университетда ўқув жараёнининг самарадорлигини ошириш мақсадида ушбу Низомга Университет илмий кенгашининг қарори асосида ўзгартиришлар киритилиши мумкин.