Никмаларини ривожлантириш методикаси

Тадқиқотнинг амалий натижалари қуйидагилардан иборат:
бошланғич синф ўқувчиларида «Тарбия» фани асосида толерантлик кўникмаларини ривожлантиришнинг педагогик мезонлари ва меъёрлари ишлаб чиқилган ҳамда эмпирик баҳолаш самарадорлиги аниқланган;
бошланғич синф ўқувчиларида толерантлик кўникмаларини ривожлантиришга доир «Тарбия» таълимини ташкил этиш методикаси ишлаб чиқилган;
бошланғич синф ўқувчиларида толерантлик кўникмаларини ривожлантиришда инновацион асосда «Тарбия» фанидан фойдаланишга қаратилган педагогик технология ишлаб чиқилган;
ривожланган мамлакатлар тажрибаси асосида бошланғич синф ўқувчиларида толерантлик кўникмаларини ривожлантиришга қаратилган интерфаол методлар такомиллаштирилган.
Тадқиқот натижаларининг ишончлилиги педагогик ва психологик таълим концепцияси, методологияси («Тарбия» фанини ўқитишнинг устувор тамойиллари, бошланғич синф ўқувчиларининг ўқув-билиш фаолияти мазмуни, касбий тайёрлаш жараёнини ташкил қилиш)га тизимли, мажмуавий ва инновацион ёндашилганлиги; илмий изланишни олиб боришда педагогик, психологик ва методик йўналишдаги маҳаллий ҳамда хорижий тажриба, тадқиқотлар натижаларига таянилганлиги; тадқиқот мақсади, вазифаларига мос келувчи, ўзаро бир-бирини тўлдириб борувчи илмий-педагогик методлардан фойдаланилганлиги; таҳлил ва тадқиқот тавсифининг миқдор ҳамда сифат жиҳатидан таъминланганлиги; олинган натижаларнинг ишончли математик-статистик метод (Стюьдент-Фишер методи) воситасида асосланганлиги ҳамда ваколатли тузилмалар томонидан тасдиқланганлиги билан белгиланади.
Тадқиқот натижаларининг илмий ва амалий аҳамияти. Тадқиқотнинг илмий аҳамияти шундан иборатки, таклиф этилаётган тавсиялар «Тарбия» фани асосида бошланғич синф ўқувчиларида толерантлик кўникмаларини ривожлантиришнинг педагогик тизими ва ўқитиш технологияларини, ўқув-режа ва дастурларни дидактик жиҳатдан такомиллаштиришда фойдаланилиши билан изоҳланади.
Тадқиқот натижаларининг амалий аҳамияти шундаки, бошланғич синф ўқувчиларида толерантлик кўникмаларини ривожлантиришга қаратилган педагогик жараён самарадорлигини оширишда «Тарбия» фанини ўқитишга ва инновацион асосда таълим жараёнини ташкил этишга устуворлик бериш амалиётини жорий этишга хизмат қилади.