Foydalanish uchun adabiyotlar:
O‘zbekiston Respublikasining “Kadrlar tayyorlash Milliy dasturi” / Barkamol avlod – O‘zbekiston taraqqiyotining poydevori. – Toshkent: Sharq nashriyot-matbaa kontserni. 1997.
Ibragimov X.I., Abdullaeva Sh.A. Pedagogika nazariyasi / Darslik. – Toshkent: “Fan va texnologiya” nashriyoti, 2008.
Kasbiy pedagogika /O‘.Tolipov va boshq. – T.: TDIU, 2001.
Pedagogika / Bakalavriat yo’nalishi uchun darslik / Prof. M.X.Toxtaxodjayevaning umumiy tahriri ostida. – Toshkent: “O’zbekiston faylasuflari milliy jamiyati” nashriyoti, 2010.
XOTIMA
Kishilik jamiyati taraqqiyotining shaxs tarbiyasi masalalari kun tartibiga qo‘yilgan ilk davrlardanoq bolalarning ta’limi va tarbiyasi uchun mas’ul shaxslar toifasining shakllanishi, ularning shaxs va mutaxassis sifatida muayyan ijtimoiy talablarga javob bera olishlari, kasbiy mahoratga ega bo‘lishlariga nisbatan ijtimoiy talablar qo‘yila boshlagan.
Pedagogika oliy o‘quv yurtlarida tahsil olayotgan bo‘lajak o‘qituvchilarni mazkur ijtimoiy talablar bilan yaqindan tanishtirish, ularda pedagogik malaka va kasbiy mahoratni shakllantirish muhim vazifalardan biri hisoblanadi. Tegishli yo‘nalishda faoliyat yuritayotgan oliy o‘quv yurtlarida “Pedagogik mahorat” fanining o‘qitilishi bo‘lajak o‘qituvchilarni ta’lim va tarbiya jarayonlarni metodik jihatdan puxta, tashkiliy jihatdan samarali tashkil eta olishlarida muhim poydevor hisoblanadi. Bo‘lajak o‘qituvchilarning pedagogik texnikaga ega bo‘lishlari pedagogik jarayonda yuzaga keladigan shaxslararo munosabatlarni samarali, salbiy nizolarsiz uyushtirilishini ta’minlash bilan birga hech bir qiyinchiliksiz ta’lim va tarbiyaviy ishlar jarayonini tashkil etilishiga ham yordam beradi.
Oliy o‘quv yurtidagi tahsil davrida talabalarni Sharq va G‘arb mutafakkirlarining pedagog shaxsi va faoliyatiga qo‘yiladigan talablarga oid qarashlari bilan yaqindan tanishtirish ularga kelgusida o‘zlarini mutaxassis sifatida tasavvur etishlari uchun imkoniyat yaratadi.
Pedagogika oliy ta’lim muassasalarida “Pedagogik mahorat” fanini o‘qitish uchun yordamchi manba sifatida yaratilgan ushbu manbadan tegishli yo‘nalishda tahsil olayotgan talabalar pedagogik mahoratning o‘qituvchi faoliyatida tutgan o‘rni, maktab amaliyotida o‘qituvchi mahorati masalalari, pedagogik muloqotni to‘g‘ri tashkil etish, pedagogik odob, pedagogik faoliyatni ilmiy asosda tashkil etishga oid nazariy bilimlarini mustahkamlash va boyitish imkoniyatiga ega bo‘ladi.
Ma’lumki, talabalar tomonidan pedagogik mahorat asoslariga doir ko‘nikma va malakalarni o‘zlashtirilishida laboratoriya mashg‘ulotlari alohida o‘rin tutadi. Shunga ko‘ra “Pedagogik mahorat” o‘quv qo‘llanmasida berilgan laboratoriya ishlanmalari bilan tanishish asosida talabalar tomonidan pedagogik qobiliyat, o‘quv-tarbiya jarayonida ruhiy holatni boshqarish malakasi, kommunikativ qobiliyat, pedagogik texnika va nutq texnikasi malakasini o‘zlashtirish imkoniyati mavjud.
Do'stlaringiz bilan baham: |