441
jihatlari, elementlari yuqoriroq asosda takrorlanishi inkor qonunining o‗ziga xos
xususiyati hisoblanadi. Bundan qonunning boshqa bir xususiyati kelib chiqadi.
Hamonki eskining oliy asosda qaytarilishi mavjud ekan, rivojlanish to‗g‗ri chiziq
bo‗ylab emas, balki spiralsimon chiziq bo‗ylab yuz berishi, sikldan-siklga eskiga
yaqinlashishi (chunki takrorlanib turishlik mavjud) va undan uzoqlashib borishi
(chunki bu yangi) ayon bo‗ladi.
Nima uchun bu takrorlanib turishlik muqarrar?
Gap
shundaki, inkor ziddiyat bilan uzviy bog‗liq, u mazkur ziddiyatning
echilishi bilan belgilanadi. O‗ziga xos ziddiyat bilan vujudga kelgan har qanday
yangi narsani olaylik. Ziddiyatning rivojlanish jarayonida narsa o‗zining qarama-
qarshiligiga aylanadi. Ammo inkorning mazkur bosqichida dastlabki narsada
mujassamlashgan ziddiyat faqat qisman echiladi. Bu to‗liqsizlik narsa o‗zini inkor
qilishda davom etishini belgilaydi. Birinchi inkor o‗rniga ikkinchi inkor keladi va
ikkinchi narsaga qarama-qarshi bo‗lgan yangi, uchinchi narsa vujudga keladi, u
ikkinchi narsaning inkori, ya‘ni birinchi narsaning inkorining inkori hisoblanadi.
Ikkinchi inkor bosqichida birinchi narsaga xos bo„lgan ziddiyat to„la
echiladi. Qo„sh inkor natijasida, dastlabki nuqtaga qaytilishi bilan rivojlanishning
yuqoriroq darajasiga erishiladi, rivojlanishning boshlang„ich, lekin boyitilgan
shakli tiklanadi.
Rivojlanish chizig‗i go‗yo «spiral o‗rami» aylanasini tashkil etadi,
lekin uning boshi oxiri bilan tutashmaydi. SHunday qilib, rivojlanish harakatning
bosqichma-bosqichligi va siklliligi jihatlarini o‗zida birlashtiradi.
Bu qoida ham umumiy ahamiyat kasb etadi. U atrof borliqning barcha
narsalari va hodisalariga nisbatan o‗rinli, ya‘ni dialektika qonuni kuchiga ega. U
quyidagicha ta‘riflanadi.
Inkorni-inkor qonuni – bu shunday bir qonunki, unga
muvofiq rivojlanish jarayoni yangining eskini dialektik inkor etishlari cheksiz
zanjiridan iborat bo„ladi, bunda rivojlanish avvalgi bosqichlarining barcha muhim
jihatlari yangida saqlanadi va umuman bu jarayon hujumkor, yuksalib boruvchi
yo„nalishga ega bo„ladi.
Ayni vaqtda rivojlanish jarayonida uning oliy
bosqichlarida avvalgi bosqichlarning ayrim jihatlari va tomonlari sifat
jihatidan
yangicha asosda takrorlanadi va ayni hol to‗g‗ri chiziq, tutash doira bo‗ylab emas,
balki spiralga yaqinlashuvchi egri chiziq bo‗ylab yuksalishni belgilaydi.
Harakatning spiralsimonligi rvojlanishning siklliligini aks ettiradi. Bu qonun
dialektikaning boshqa qonunlarini umumlashtiradi, ularni sintez qiladi.
Inkorni
inkor jarayonida tizim, bir tomondan, ayrim boshlang‗ich holatdan
o‗zga, sifat jihatidan yangi holatga o‗tadi; boshqa tomondan esa, bu yangi holat
qay jihatdandir boshlang‗ich holatga o‗xshaydi (don – boshoq - yana don). Inkorni
inkor qonuni rivojlanishda alohida vorisiylik kuzatilishini aks ettiradi:
rivojlanishning dastlabki bosqichiga xos bo‗lgan va keyinchalik uning inkor
etilishi jarayonida yo‗q bo‗lgan qandaydir jihatlar ikkinchi inkor (inkorni inkor)
natijasida yana paydo bo‗ladi.
YAngining paydo bo„lishida eskining muayyan belgi
va sifatlarining saqlanib qolishi vorisiylik deb nomlanadi.
SHaklan rivojlanish
bir chiziqli ham, aylanma ham emas, balki rang-
barangroq va murakkabroq, chunonchi: bir chiziqli va ko„p chiziqli, to„g„ri
chiziqli va zigzagsimon, umumiy va mahalliy, uyg„un va nouyg„undir.
442
Yo‗nalish jihatidan
rivojlanish progressiv va regressiv bo„lishi mumkin.
Rivojlanish tizim ayrim elementlarining tanazzuli bilan bog„liq bo„lishi mumkin.
Butun tizim tanazzulga uchrashi, uning ayrim elementlari esa taraqqiy etishi
mumkin emas. Ob‘ektga nisbatan tashqi kuchlar ta‘sirida yuz berishi mumkin
bo‗lgan harakatdan farqli o‗laroq, rivojlanish o‗z-o‗zidan harakat, ichki jarayon
bo‗lib, ziddiyat, bir-birini
istisno etuvchi tomonlar, tendensiyalar uning manbai
hisoblanadi.
YUqorida aytib o‗tilganidek, Gegel falsafasida rivojlanish tushunchasi inkor
va inkorni-inkor kategoriyalarida yoritiladi. Mazkur terminologiya mutafakkirning
mantiq tizimi negiziga aylantirilgan ob‘ektiv-idealistik falsafasi kontekstida
namoyon bo‗ladi.
Do'stlaringiz bilan baham: 
