Ngt kurs 4 Guruh Fanning nomi “Нефт ва газокондесатни қайта ишлаш технологияси”

17-mavzu. Neft mahsulotining sifatini yaxshilash uchun qo‘ndirma-qo‘shimcha ishlab chiqarish va undan foydalanish.

Reja:

1.Prisadkalarning sinflanishi

2.Motor moylarining sifatini yaxshilashdagi roli

3.Zamonaviy prisadkalarga qo’yilgan talablar

Tayanch so`z va iboralar

Prisadka (qo‘ndirma), organik moddalar, termik oksidlanish, qovushqoqlik xossalari, ko‘pik hosil qilish, yemirilish va yedirilish.

Prisadka (qo‘ndirma) bu yoqilg‘i va moylarning sifatini, ishchi xossalarini yaxshilash maqsadida oz miqdorda qo‘shiladigan organik moddalardir.

Turli prisadkalarni va ularning kombinatsiyalarini moylarga qo‘shish bilan ularning qovushqoqlik xossalarini, moylarning termik oksidlanish barqarorligini; korroziya va qurum hosil qilishni kamayishiga; qotish haroratini va dvigatelning surkovlash tizimida ko‘pik hosil qilish haroratini tushirish mumkin bo‘ladi. Amaliy jihatdan har qanday bazaviy moylarga turli prisadkalarning kombinatsiyalarini qo‘shib, ayni dvigatelning ishchi xossalari uchun maqbul bo‘lgan kerakli motor moyini olish mumkin.

Prisadkalarning unumdorligi bazaviy moylarning kimyoviy tarkibiga va moylarning prisadkalarni qabul (moyillik) qilishiga bog‘liq.

A.V.Drujinning fikriga ko‘ra, moylardagi parafin – naften uglevodorodlari prisadkalarni yaxshi qabul qiladi. Bazaviy moylarning kimyoviy tarkibi: neft xom-ashyosining tabiati va undan olingan moyli distilatga, shuningdek uni tozalash usuli va darajasiga bog‘liq. Bir- biridan dastlabki xom-ashyo sifatini va tozalash texnologiyasi bilan farq qiladigan neft moylari turli prisadkalarni har xil darajada qabul (moyillik ko‘rsatadi) qiladi.