Нефтни қайта ишлашда каталитик жараёнлар фанида маърузалар матни

Таянчли ва иборали сўзлар
Крекинг, катализатор, алюмосиликат, ҳарорат, фаол, бензин, ароматик, гидрокрекинг, гидротозалаш.


Саволлар
1. Оғир нефт маҳсулотлари нима учун каталитик крекинг қилинади?
2. Каталитик крекингда қандай катализаторлар қўлланилади?
3. Каталитик крекинг жараёнининг асосий омиллари нимадан иборат?
4. Каталитик крекингни термик крекингдан фарқи нимада?
5. Каталитик крекинг жараёни қандай шароитда олиб борилади?


Адабиётлар
1. И.Л. Гурьевич «Общие свойства и первичные методы переработки нефти и газа» М., Мир, 1973, 271 стр.
2. В. Смидович «Крекинг нефтяного сыря и переработка углеводородов», М., Химия, 1980, 327 стр.
3. Ч. Томас. «Промьшленные каталические процессы и эффективные катализаторы» М., Мир, 1973, 271 стр.
4. Е.Д. Радченко и др. «Промьшленные катализаторы. Гидрогенизации переработки нефти» Л., Химия 1985, 274.
5. Р.З. Магарил «Теорические основы химических процессов переработки нефти» Л., Химия, 1985, 274 стр.
6. Масагутов Р.М. «Алюмосиликатные катализаторы и
изменение их свойства при крекинге продуктов » Л., Химия 1985,274 стр.
7. Х.Р. Рустамов «Физик кимё » Т., Узбекистан, 2005, 486 бет.
8. Б.Н. Долгов «Катализ в органической химии» Л., 1959, 807 стр.
9. Семёнов Т.А. Лейтеса И.Л. «Очистка технологических газов» М., Химия, 1977, 487 стр.


6- МАЪРУЗА
Каталитик крекинг жараёнини саноатда ўтказиш усуллари


Саноатда каталитик крекинг жараёнида хом-ашёни катализатор билан учрашиши турли усуллар билан ўтказилади.

1. 
   Хом-ашё асталик билан гранул ҳолдаги катализатор устидан секин ўтказилади;
   
2. 
   Хом-ашё майда кукун ҳолдаги катализатор билан қайнаб турувчи қатламга берилади;
   
3. 
   Бу ҳолдаги хом-ашё катализатор билан биргаликда реактор ичидан ўтади.
   

Каталитик крекинг жараёнида ҳаракатланмайдиган катализатор устидан хом-ашё ўтганда ҳарорат 450С, ҳаракатланувчи катализатор устидан 500С да, қайнаб турувчи катализатор қатламидан хом-ашё ўтказилган вақтда 525-550С ҳароратда олиб борилади. Каталитик крекинг жараёнида ҳарорат хом-ашё таркибидаги углеводородларни чуқур ўзгаришига олиб келади. Масалан, ҳароратни ошиши билан оғир газойлни алюмосиликат катализаторда крекинг қилинганда бензинни чиқиш миқдори камаяди. Ҳосил бўлган газларни миқдори ошади. Ҳароратни ошиши билан зичлиги ошиши, катализаторда ароматик углеводородларни миқдорини ошишини кўрсатади. Температурани ошиши билан коксни чиқишини камайиши, катализатор юзасида углеводород бирикмаларини парчаланишини яхшиланиши ва зичланувчи оралиқ маҳсулотларни десорбция қилиниши тезлашиб, катализат таркибига ўтишига олиб келади.
Алюмосиликат ва таркибида цеолит бўлган катализаторда температуранинг крекинг жараёни кўрсатгичларига таъсири бир хил бўлади. Каталитик крекинг жараёнида коксни чиқишини камайиши натижасида бензин миқдорини чиқиши кўпаяди.
Каталитик крекинг жараёнида қўлланиладиган хом-ашё ва катализаторга қараб, қайси ҳароратда жараённи олиб бориш танланади. Крекинг вақтида ароматик углеводородлари кўп бўлган оғир фракциялар ишлатилса, албатта ҳарорат юқори бўлади. Масалан, дизел ёқилғиси крекинг қилинганда ҳарорат 400С да, вакуум газойлда эса жараён 500С олиб борилади.