Нефть ва газни қайта ишлаш жараёнлари ва ускуналари Ўзбекистон Республикаси Олий ва ўрта махсус таълим вазирлиги олий ўқув юртлари бакалавриатининг «Нефть ва нефть-газни қайта ишлаш технологияси»

16.9. ҚУРИТИШ ЖАРАЁНЛАРИНИ ЖАДАЛЛАШТИРИШ

Бир қатор ишлаб чиқаришларда тайёр маҳсулотнинг сифатига бўлган юқори талабларни бажаришда қуритиш жараёни алоҳида аҳамиятга эга. Шу сабабдан ҳам қуритгичларнинг ишини жадаллаштириш (яъни қурилманинг 1 м³ ҳажмидан ажратиб олинадиган намлик миқдорини кўпайтириш) муҳим муаммолар қаторига киради. Қуритиш жараёнини жадаллаштириш ва қуритгичларнинг иқтисодий самарадорлигини ошириш учун қуйидаги усулларни танлаш мумкин: 1) юқори ҳароратли иссиқлик ташувчи агентларни қўллаш; 2) пульсацияланган газ оқимларини ишлатиш ва материал заррачаларини вибрация қилиб туриш; 3) электр ва магнит майдонларини ишлатиш; 4) иссиқлик ташувчи сифатида материалдан буғланиб чиқаётган суюқликнинг ўта қиздирилган буғларини (сув буғлари, органик эритувчиларнинг буғлари ва ҳоказо) қўллаш; 5) битта ускунада қуритишнинг мураккаб усулларидан фойдаланиш ва бу пайтда турли технологик жараёнларни олиб бориш; 6) ишлаб чиқаришнинг иккиламчи энергетик ва иссиқлик ресурсларидан (қурилмалардан чиқиб кетаётган газларнинг иссиқлиги ҳамда буғ қозонлари, қуритгичлар ва бошқа иссиқлик ускуналарининг иссиқлиги ва ҳоказо) фойдаланиш.

ТАЯН СЎЗ ВА ИБОРАЛАР

Нам материални қуритиш, механик усул билан сувсизлантириш, физик-кимёвий усул билан сувсизлантириш, иссиқлик ёрдамида сувсизлантириш, конвектив қуритиш, контактли қуритиш, радиацияли қуритиш, диэлектрик қуритиш, сублимацияли қуритиш, абсолют намлик, нисбий намлик, нам сақлаш, нам ҳавонинг энтальпияси, нам ҳавонинг ҳолат диаграммаси, материалнинг мувозанат намлиги, сорбцияланиш изотермаси, десорбцияланиш изотермаси, гистерезис, механик усул билан бириккан намлик, физик-кимёвий йўл билан бириккан намлик, кимёвий усул билан бириккан намлик, намликнинг буғланиш даражаси, ташқи диффузия, термодиффузия, ички диффузия, намлик бериш коэффициенти, намлик ўтказувчанлик коэффициенти, қуритиш тезлиги, қуритишнинг биринчи даври, қуритишнинг иккинчи даври, қуритиш эгри чизиғи, қуритиш тезлигининг эгри чизиғи, қуритиш ускуналарини ҳисоблаш, қуритгичларни синфлаш, лентали қуритгичлар, барабанли қуритгичлар, пневматик қуритгичлар, маҳсулотлар сочиб бериладиган қуритгичлар, мавҳум қайнаш қатламли қуритгичлар, барабанли роторли вакуум-қуритгичлар, вальцовкали қуритгичлар, қуритиш жараёнларини жадаллаштириш.