Нефть ва газни қайта ишлаш жараёнлари ва ускуналари Ўзбекистон Республикаси Олий ва ўрта махсус таълим вазирлиги олий ўқув юртлари бакалавриатининг «Нефть ва нефть-газни қайта ишлаш технологияси»

ТАЯНЧ СЎЗ ВА ИБОРАЛАР

Модда алмашиниш, диффузион жараёнлар, суюқликларни ҳайдаш, дистилляция, ректификация, абсорбция, абсорбент, сорбент, десорбция, адсорбция, адсорбент, регенерация, суюқликларни экстракциялаш, қуритиш, кристалланиш, қаттиқ моддаларни эритиш, қаттиқ моддаларни экстракциялаш, ажратувчи юза, тарқалувчи модданинг концентрацияси, модда ўтказиш коэффициенти, фазаларнинг контакт юзаси, иш концентрациялари, мувозанат концентрацияси, модда ўтказишнинг ўртача ҳаракатлантируви кучи, модда бериш коэффициенти, фазаларнинг солиштирма контакт юзаси, молекуляр диффузия, турбулент диффузия, концентрация градиенти, модданинг солиштирма оқими, диффузия коэффициенти, модда ўтказувчанлик коэффициенти, эркин конвекция, мажбурий конвекция, конвектив диффузия, термодиффузия, диффузион ўхшашлик мезонлари, критериал тенгламалар, Нуссельт мезони, Фурье мезони, Пекле мезони, Био мезони, Прандтл мезони, Рейнольдс мезони, Фруд мезони, Галилей мезони, геометрик ўхшашлик симплекслари, модда ўтказиш бирлигининг сони, модда ўтказиш бирлигининг баландлиги, ускунанинг кўндаланг кесим юзаси, ускунанинг диаметри, ускунанинг баландлиги.

МУСТАҚИЛ ИШЛАШ УЧУН САВОЛЛАР

1. 
   Нефть ва газни қайта ишлаш технологиясида модда алмашиниш жараёнларининг ролини қандай изоҳлаш мумкин?
   
2. 
   Модда алмашиниш жараёнларининг синфланиши ҳақида нималарни биласиз?
   
3. 
   Бир фазадан иккинчи фазага модда ўтказиш жараёни қайси тенглама орқали ифода қилинади?
   
4. 
   Модда ўтказиш ва модда бериш коэффициентлари ўртасида қандай ўхшаш ва алоҳида томонлар бор?
   
5. 
   Молекуляр диффузия орқали тарқалган модданинг миқдори қайси қонун орқали аниқланади?
   
6. 
   Эркин ва мажбурий конвекциялар ўртасида қандай фарқ мавжуд?
   
7. 
   Бир фаза доирасида конвекция йўли билан тарқалган модданинг миқдори қайси тенглама ёрдамида топилади?
   
8. 
   Диффузион ўхшашлик мезонлари қаторига қайси мезонларни киритса бўлади?
   
9. 
   Модда ўтказиш ҳаракатлантирувчи кучининг ўртача логарифмик қиймати қайси тенглама ёрдамида аниқланиши мумкин?
   
10. 
    Модда ўтказиш бирлигининг сони ва ўртача ҳаракатлантирувчи куч ўртасида қандай боғлиқлик бор?
    
11. 
    Модда ўтказиш бирлигининг баландлигини қайси тенглама орқали ҳисоблаш мумкин?
    
12. 
    Қаттиқ фазали системаларда модда ўтказиш жараёнининг қандай ўзига хос томонлари мавжуд?
    
13. 
    Диффузион Био мезони қандай кўринишга эга ва унинг физик маъноси нимадан иборат?
    
14. 
    Диффузия ва модда ўтказувчанлик коэффициентлари ўртасида қандай ўхшаш ва алоҳида томонлар мавжуд?
    
15. 
    Модда алмашиниш орқали қандай натижаларга эришиш мумкин?
    
16. 
    Модда алмашиниш ускуналарининг асосий ўлчамлари қайси тенгламалар ёрдамида аниқланади?