Neft va gaz konlari geologiyasi

2. Marganesli, kremniyli, fosforitli tog'jinslari ta'rifini keltiring.
3. Ohaktoshlar, dolomitlar va ularning turlariga qanday tog'jinslari kiradi.
4. Tuzli jinslari, sulfatlar nima.


6-mavzu. Litogenez. Cho'kindi tog'jinsining hosil bo'lishi - diagenez


Reja:
1.Cho'kindi tog'jinsining xosil bo'lishi – diagenez.
2. Cho'kindining zichlanishi xodisalari.
3. Cho'kindining parchalanishi, kristallanishi va qayta kristallanishi.
Litogenez – cho'kindi tog'jinsining xosil bo'lishi – bu murakkab uzoq davom etadigan tabiy jarayon. Bu jarayon to'rt bosqichdan iborat: 1. Cho'kindi materialning hosil bo'lishi. 2. Cho'kindi materialining ko'chishi. 3. Cho'kindi materialining yotqizilishi (sedimentogenez). 4. Cho'kindi materialining cho'kindi tog'jinsiga aylanishi yoki cho'kindi jinsining hosil bo'lishi (diagenez). Ayrim tog'jinsining hosil bo'lishida bu bosqichlarning birortasi ham bo'lmasligi mumkin. Masalan ko'mirning hosil bo'lishida ko'chish jarayoni bo'lmaydi. Har bir bosqichning davomiyligi turlicha, ya'ni bir kecha kunduzning biror bo'lagidan o'n va yuz ming yil, cho'kindi tog'jinsining hosil bo'lishi esa bir necha yuz yil davom etishi mumkin. Cho'kindi tog'jinsi turli mahsulotlardan hosil bo'lishi mumkin. Bular ichida asosiysi quyidagilar:

1. 
   Chaqiq qismlar – mexanik nurash mahsuloti
   
2. 
   Xemogen material – ximik reaktsiya mahsuloti
   
3. 
   Biogen material – o'simlik va jonivorlar qoldiqlar
   
4. 
   Vulqon materiallari – vulqon jarayoni mahsulot
   

5.Kolloit material mayda dispersli bo'laklardan 1 dan 100 MK.m (1* 10^-6 - 1* - 1^-4m.m) yoki 0, 000001 – 0,0001 mm cho'kindi material materialning juda mayda maydalanishidan hosil bo'ladi. 6.Kosmik material – asosan kosmik changlar, meteori va meteorit changlari. Geologik tarix davomida ayrim qismlarning axamiyati doimiy bo'lib qolgan emas. Qadimgi geologik davrda chaqiq vulkonogen hamda xemogen material asosiy bo'lib xisoblangan. Keyinchalik fanerozoy davrida vulkonogen bo'lakning axamiyati oshgan.