Нбдз руз — Ўзбекистон Республикасининг айрим қонун ҳужжатларига хусусий мулкни, тадбиркорлик субъектларини ишончли ҳимоя қилишни янада кучайтиришга

192
4
-модда. Тадбиркорлик субъектларини ҳомийликка ва бошқа тадбирларга 
мажбурий жалб этиш 
Назорат қилувчи, ҳуқуқни муҳофаза қилувчи ҳамда бошқа давлат органининг ва 
давлат ташкилотининг мансабдор шахси ѐки хизматчиси томонидан тадбиркорлик 
субъектларини пул маблағларини ҳамда бошқа моддий қимматликларни ажратиш билан 
боғлиқ ҳомийликка ва бошқа тадбирларга мажбурий жалб этиш, шундай ҳаракатлар учун 
маъмурий жазо қўлланилганидан кейин содир этилган бўлса, — 
энг кам ойлик иш ҳақининг бир юз эллик бараваридан уч юз бараваригача 
миқдорда жарима ѐки уч йилгача муайян ҳуқуқдан маҳрум қилиш ѐхуд бир йилдан уч 
йилгача озодликни чеклаш ѐки уч йилгача озодликдан маҳрум қилиш билан жазоланади. 
Етказилган моддий зарарнинг ўрни қопланган тақдирда озодликни чеклаш ва 
озодликдан маҳрум қилиш тариқасидаги жазо қўлланилмайди. 

---

192
5
-модда. Лицензиялаш тўғрисидаги қонун ҳужжатларини ва рухсат бериш 
тартиб-таомиллари тўғрисидаги қонун ҳужжатларини бузиш 
Лицензия ва рухсат этиш хусусиятига эга бошқа ҳужжатларни беришнинг 
белгиланган тартиби ҳамда муддатларини бузиш, шу жумладан лицензияларнинг ва 
рухсат бериш тартиб-таомилларининг янги турларини қонунга хилоф равишда жорий 
этиш, шундай ҳаракатлар учун маъмурий жазо қўлланилганидан кейин содир этилган 
бўлса, — 
муайян ҳуқуқдан маҳрум қилиб, энг кам ойлик иш ҳақининг эллик бараваридан 
икки юз бараваригача миқдорда жарима ѐхуд икки йилгача ахлоқ тузатиш ишлари билан 
жазоланади. 
Ўша ҳаракатлар:
а) жуда кўп миқдорда зарар етказган ҳолда;
б) уюшган гуруҳ манфаатларини кўзлаб содир этилган бўлса, —
энг кам ойлик иш ҳақининг икки юз бараваридан беш юз бараваригача миқдорда 
жарима ѐки муайян ҳуқуқдан маҳрум қилиб, уч йилдан беш йилгача озодликни чеклаш 
ѐхуд уч йилдан беш йилгача озодликдан маҳрум қилиш билан жазоланади.