Nazariya javoblari

134-savol. Davlat mexanizmining faoliyati prinsiplari.

Davlat mexanizmi faoliyati va uni tashkil etishning asosiy prinsiplari: Hokimiyat vakolatlarining taqsimlanishi prinsipi. Qonun chiqaruvchi, ijro etuvchi va sud hokimiyati — davlat hokimiyatining uch asosiy tarmog‘idir. Inson va fuqarolar asosiy huquq va erkinliklarining ustuvorligi prinsipi. Inson, uning huquq va erkinliklari oliy qadriyat sifatida e’tirof etilishi prinsipidan kelib chiqqan holda davlat mexanizmi (apparati) o‘z faoliyatini amalga oshirishi lozim. Davlat organlarini tashkil etishdan asosiy maqsad ham inson, uning manfaat va ehtiyojlarini ta’minlash, himoya qilish va ularga rioya etishdir. Demokratizm prinsipi. Davlat mexanizmi (apparati) tashkil etilishi demokratik prinsip asosida amalga oshiriladi. Chunki, davlatning qonun chiqaruvchi organlari xalq tom onidan saylash orqali tashkil etiladi. Davlat mexanizmi (apparati) xalqning ishtirokida shakllantiriladi, xalq hokimiyatini ifodalaydi, u ham o‘z faoliyatida faqatgina xalq manfaatlariga xizmat qiladi. Pog‘onama-pog‘ona bo‘уsunish (iyerarxiya) prinsipi. “ Iyerarxiya” — bir-biriga o‘zaro bo‘ysunuvda bo‘lish degan ma’noni anglatadi. lyerarxiya — pog‘onam a-pog‘ona, piramida, o‘zaro bo‘ysunuvdagi kabi so‘zlar bilan bir ma’noni anglatadi. Oshkoralik prinsipi. Davlat mexanizmi (apparati)ga kiruvchi organlar o‘z faoliyatini oshkoralik tamoyili asosida amalga oshiradilar. Professionalizm prinsipi. Davlat apparati xizmatchilari o‘z sohalarining yetuk mutaxassislari bo‘lib, ular maxsus malaka va bilimga, yetarli tajriba va amaliy uquvga ega bo‘lgan xodimlar hisoblanadi. Davlat apparatida xizmat qilayotgan xodimlar dastlab mazkur soha bo‘yicha quyi organlarda xizmat qilgan, ushbu sohada boy tajribaga ega bo‘lgan mutaxassis xodim bo‘lishi shart. Kollegiallik va yakkaboshchilikning birgaligi prinsipi. Davlat apparati organlari o‘z faoliyatini kollegiallik va yakkaboshchilik asosida amalga oshiradilar. Saylanish va tayinlanishning uyg'unligi. Davlat mexanizmi (apparati)ning tashkil etilishi saylanish va tayinlanish orqali amalga oshiriladi.