Nazariy savollar

Birinchidan kazusimizda haydovchi B.Muxsinov o‘zining ko‘rsatuvida haqiqatdan ham 2020 yil 19 oktyabr kuni taxminan 12:00larda uni Toshkent shaxar Chilonzor tumani Bunyodkor ko‘chasidagi "Do‘stlik" kafesi qarshisida YPX xodimini xushtak va djest bilan qonuniy to‘xtash talabiga bo‘ysunmasdan xarakatlanib ketganini, ko‘rilgan chora-tadbirlar natijasida uni to‘xtatib tekshirilganda hech qanday hujjatlari yo‘qligi aniqlanganligi haqida ko‘rsatuv bermoqda. Bundan ko‘rinib turibdiki uning harkatlarida ma’muriy huquqbuzarlik alomatlari yaqqol ko‘rinib turibdi.
Demak biz haydovchi B.Muxsinovning hech qanday hujjatlarsiz transport vositasini boshqarganligi uchun javobgarlik masalasiga to‘htalib o‘tsak.
B.Muxsinov ushbu harakatlari bilan;
O‘zbekiston Respublikasining Ma’muriy Javobgarlik to‘g‘risidagi Kodeksining 135-moddasi 1-qismida nazarda tutilgan, ya’ni "Transport vositalarini boshqarish huquqini beruvchi hujjatlari, transport vositasini ro‘yxatdan o‘tkazganlik to‘g‘risidagi, shuningdek transport vositasiga egalik qilish, egasi yo‘qligida undan foydalanish yoki uni tasarruf etish huquqini tasdiqlovchi hujjatlari, transport vositalari egalarining fuqarolik javobgarligini majburiy sug‘urta qilish bo‘yicha sug‘urta polisi, qonunchilikda nazarda tutilgan hollarda esa litsenziya kartochkasi yoki yo‘l varaqasi, yuridik shaxslarning transport vositalari haydovchilarining, shu jumladan yo‘lovchi yoki yuk tashish faoliyatini amalga oshiruvchi haydovchilarning malaka oshirishdan o‘tganligi to‘g‘risidagi sertifikati, yonida bo‘lmagan haydovchilarning transport vositalarini boshqarishi, xuddi shuningdek ishonchnomalarni, transport vositalarini boshqa shaxsga o‘tkazish va ijaraga berish shartnomalarini ro‘yxatdan o‘tkazmasdan (hisobga qo‘ymasdan) transport vositalarini boshqarish"
Shuningdek, MJtKning 135¹-moddasi 2-qismida nazarda tutilgan, ya’ni "fuqarolik javobgarligini majburiy sug‘urta qilish bo‘yicha qonunda belgilangan majburiyatning transport vositalari egalari tomonidan bajarilmasligi, xuddi shuningdek, agar bunday majburiy sug‘urta qilinmaganligi oldindan ayon bo‘lsa, transport vositalarini boshqarish" haqidagi huquqbuzarliklarni sodir etgan.
Ikkinchidan 2020 yil 19 oktyabr kuni taxminan12:00larda xaydovchi B.Muxsinov Toshkent shaxar Chilonzor tumani Bunyodkor ko‘chasisidagi “Do‘stlik” kafesi qarshisida YPX xodimini xushtak va djest bilan qonuniy to‘xtash talabiga bo‘ysunmasdan xarakatlanib ketganligi uchun javobgarlik masalasiga to‘htalsak.
B.Muxsinov ushbu harakatlari bilan;
O‘zbekiston Respublikasi MJtKning 194-moddasi 1-qismida nazarda tutilgan, ya’ni "Ichki ishlar organlari xodimining huquqbuzarlikni to‘xtatish, hujjatlarni tekshirish uchun taqdim etish, ichki ishlar organlariga borish yoki ko‘rsatilgan muddatda ichki ishlar organlarida bo‘lish to‘g‘risidagi qonuniy talablarini uzrli sabablarsiz bajarmaslik, transport vositasini to‘xtatish, jabrlanuvchilarga yordam ko‘rsatish haqidagi qonuniy talablarini bajarmaslik yoxud ichki ishlar organlari xodimining qonuniy talablariga boshqacha tarzda bo‘ysunmaslik, xuddi shuningdek jamoat tartibini saqlash hamda fuqarolarning huquqlari va erkinliklarini ta’minlash vazifalarini amalga oshirayotgan boshqa shaxslarning qonuniy talablarini bajarmaslik" haqidagi huquqbuzarliklarni sodir etgan.