Nazariy savol. Ma'muriy huquqning predmeti, sub'ekti va manbalari

Bunga misol tariqasida quyidagilarni aytsak bo'ladi: O'zbekiston Republikasining Konstitutsiyasining 2-moddasida: Davlat xalq irodasini ifoda etib uning manfaatlariga xizmat qiladi. Davlat organlari va mansabdor shaxslar jamiyat va fuqarolar oldida mas’uldirlar¹¹.
Ikkinchidan, Konstitutsiyaviy huquq fuqarolaming huquqlari, erkinliklari va burchlarini belgilab beradi. Ma’muriy huquq esa ularni amalga oshirish tartibini belgilab beradi, yanada aniqlashtiradi; fuqarolarning huquqiy maqomini boshqa huquq va majburiyatlar bilan to'ldiradi; fuqarolar tomonidan huquq, erkinlik va majburiyatlar bajarilishining boshqaruv mexanizmini belgilab beradi. Masalan, O'zbekiston Respublikasi Konstitutsiyasiga binoan fuqarolar davlat organlari va mansabdor shaxslaming noqonuniy xatti-harakatlari ustidan sudga shikoyat qilish huquqiga egadir. Ushbu jarayon konstitutsiyaviy huquq normalari bilan tartibga solingan. Ma’muriy huquq esa, mana shu shikoyatlaming qaysi organga tegishliligini, shikoyatni ko‘rib chiqish muddati va tartibini belgilab beradi.
O' xshash jihatlariga: Ma’muriy huquq o'z tabiatiga ko'ra ommaviy-huquqiy fanlar turkumiga taaluqli bo'lib, o'zining boshlang'ich nuqtasini konstitutsiyaviy huquqda o'zlashtiradi. Boshqacha aytganda ma'muriy huquq- bu konkretlashgan konstitutsiyaviy huquqdir. Zero, davlat boshqaruvining yuridik asoslari konstitutsiyada o'z ifodasini topadi. Va bunday yondashuv, bunday amaliyot aksariyat xorijiy mamlakatlarda ham borligini aytish mumkin. Ya’ni asosiy qonunda e’tirof etilgan ustuvor prinsplar va qoidalarni amaliyotda joylardagi qo'llanishini ijro organlari ta’minlaydi.
Misol qilip shuni aytsak bo'ladi: O'zbekiston Respublikasining Konstitutsiyasining XX bobi 98-moddasida O'zbekiston Respublikasi Vazirlar Mahkamasi ijro etuvchi hokimiyatni amalga oshiradi. O'zbekiston Respublikasi Vazirlar Mahkamasi O'zbekiston Respublikasi Bosh vaziri, uning o'rinbosarlari, vazirlar, davlat qo'mitalarining raislaridan iborat. Qoraqalpog'iston Respublikasini hukumatining boshlig'i Vazirlar Mahkamasi tarkibiga o'z lavozimi bo'yicha kiradi¹².