Navoiy shahar 2- umumiy o`rta ta’lim maktabi Ona tili va adabiyot yo‘nalishi metodbirlashma rahbari Yuldosheva Ma’mura G`aybulloyevna tomonidan o‘tkazilgan metodik tadbirlar to‘g‘risida ma’lumot

9:00-9:35-mehmonlarni kutib olish

Dars	Dars mavzusi	O`qituvchi	Xona
1-dars 9:40-10:25	”Fe’lning orttirma nisbat shakli” mavzusida ochiq dars ( 6-”D”sinf)	Saidova Vasila Tojimurodovna ( II toifali toifali ona tili va adabiyot fani o`qituvchi)	219-xona
1-dars 9:40-10:25	“Alisher Navoiyning hayoti va ijodi” mavzusida ochiq dars (8-“B” sinf)	Malikova Gulnora Qahramonovna ( I toifali ona tili va adabiyot fani o`qituvchisi)	208-xona
1-dars 9:40-10:25	“Sintaksis haqida umumiy tushuncha.So`z birikmasi” mavzusida ochiq dars(8-“D” sinf)	Yuldosheva Ma’mura G`aybulloyevna( Oliy toifali ona tili va adabiyot fani o`qituvchisi)	207-xona___2-dars_10:35-11:20'>207-xona
2-dars 10:35-11:20	“Alisher Navoiy ruboiylari tahlili” mavzusida ochiq dars ( 8-“G” sinf)	Temirova Amina Jamolovna ( II toifali toifali ona tili va adabiyot fani o`qituvchi)	216-xona
2-dars 10:35-11:20	“Teng bog`lanish va tobe bog`lanish” mavzusida ochiq dars (8-“E”sinf)	Rajabova Dilbar Odilovna ( Oliy toifali ona tili va adabiyot fani o`qituvchisi)	207-xona
Tadbir 11:20-12:10	“Ona tili jarangi olam uzra taralgay”	G`aybulloyeva Sh. Yakubova E.N.( I toifali ona tili va adabiyot fani o`qituvchilari)	Faol lar zali
12:10-12:30	seminar doirasida suhbat	Seminar qatnashchilari ishtirokida	Faol lar zali

Ona tili va adabiyot fanlaridan ishlab chiqilgan Milliy o`quv dasturini o`rganish bo`yicha ona tili va adabiyot fani o`qituvchilariga o`tkazilgan o`quv mashg`uloti haqida ma’lumot

Navoiy shahar 2-umumiy o`rta ta’lim maktabida 2022-yil 10-may kuni ona tili va adabiyot fani o`qituvchilariga “Ona tili va adabiyot fani bo`yicha ishlab chiqilgan Milliy o`quv dasturi haqida” o`quv mashg`uloti bo`lib o`tdi. O`quv mashg`ulotini ona tili va adabiyot uslub birlashnasi rahbari M.G`.Yuldosheva olib bordi. Ma’ruzachi Navoiy shahar xalq ta’limi bo`limi tomonidan 2022-yil 29-aprelda Milliy o`quv dasturlarini o`rganish bo`yicha tashkil qilingan o`quv mashg`ulotida maktabning ona tili va adabiyot fani o`qituvchisi E.N.Yakubova bilan birga ishtirok etganini aytib, o`quvda berilgan ma’lumotlar asosida ona tili va adabiyot fanidan ishlab chiqilgan Milliy o`quv dasturi, undagi yangiliklar haqida yig`ilganlarga ma’lumot berdi.

Milliy o`quv dasturida mavzular speralsimon usulda berilganini, bu o`quvchilarda mavzularni yoddan chiqarmaslik, har yil, har bir sinfda takrorlab turish imkoniyatini berishini, asosiy e’tibor qoidalarga emas, o`quvchilarning og`zaki nutqini o`stirishga, fikrlash doirasini kengaytirishga, o`rganganini hayotga tatbiq eta olish ko`nikmasini shakllantirishga qaratilganini aytib o`tdi. Ona tiliga oid nazariy ma`lumotlar berilgan matnlar orqali o`quvchiga yetkazilishini, bu esa bir vaqtning o`zida o`quvchi ham ona tiliga oid nazariy ma’lumotni o`rganishi , ham matn asosida boshqa bir fanga oid ma’lumotga ega bo`lishi, matn tahlili jarayonida og`zaki nutqini ham rivojlantirishini mumkinligini ta’kidladi. Shu o`rinda Abu Rayhon Beruniyning “...O‘quvchi fandan fanga o‘tib tursa, turli bog‘larda yurganga o‘xshaydi. Birini ko‘rib ulgurmay, boshqasi boshlanadi. “Har bir yangi narsada o‘ziga yarasha lazzat bor” deyilganidek, ularni ko‘rishga qiziqadi va ko‘zdan kechirishni istaydi. Bir xil narsa charchatadi, xotiraga malol keltiradi” degan fikrini keltirib, bu usulning afzalligini uqtirib o`tdi.
Yangi Milliy dasturni o`qitishda 4 asosiy qoida va 4 ta eng yaxshi usul tavsiya qilinayotganini aytib, ularni sanab o`tdi. Qoidalar: “Muvozanatni saqlash”, “Birlashtirish”, “Fanlararo integratsiya” va ”Zinapoya” usuli. Eng yaxshi 4 usuli: “O‘yla – muhokama qil- bo`lish”, “Jamoaviy harakat”, “Uch bosqichli intervyu” va “Jamoaviy ishlov”. So`ng bu usul va qoidalarni sharhlab o`tdi. Shuningdek,adabiyot darsida yozuvchi hayoti va ijodi keng yoritilmasligi, sinflarga ko`tarilgan sari ma’lumotlar kengayib borishini, asar tahlillari berilmasligi, o`quvchi asarni o`qib o`qituvchi yordamida o`zi mustaqil xulosa chiqarishini, o`quvchi bilan asar mutolaasidan oldin va asar mutolaasidan keyin ham suhbat jarayoni o`tkazilib, o`quvchining og`zaki nutqi va fikrlash doirasi rivojlantirib borilishi ko`zda tutilganligini tushuntirdi.
Shuningdek, milliy o`quv dasturida ko`zda tutilgan formativ va summativ baholash haqida ham ma’lumot berib o`tdi.
So`ng o`quv mashg`ulotining amalaiy qismiga o`tilib, o`qituvchilar bilan 6-sinf ona tili darslarida berilgan ”Shahrimizga bir kelib keting” matni va adabiyot fanidan Abdulla Qahhorning “O`g`ri” hikoyasi bilan ishlash jarayonlari o`tkazildi.