Navoiy innovatsiyalar instituti «tasdiqlayman» Navoiy innovatsiyalar instituti rektori

«Ariza» matnining mufassal rejasi esa quyidagilardan iborat:
Кirish: a) kimga–ariza yo‘naltirilgan shaxsning egallab turgan mansabi (lavozimi), daraja va unvonlari, ismi-sharifi, familiyasi; b) kimdan–ariza beruvchining mansabi (lavozimi), daraja va unvonlari, ismi-sharifi, familiyasi, istiqomat joyi.
Asosiy qism: a) arizani yozishga sabab bo‘lgan holatning qisqacha bayoni; b) ariza yozishdan maqsad; v) arizaga ilova qilinadigan hujjatlar.
Yakun: a) ariza beruvchining shaxsiy imzosi, ismi va familiyasi; b) ariza yozilgan (berilgan) kun, oy, yil.
Ariza matni, asosan, qo‘lda yoziladi va bu yozuv boshqalarga tushunarli bo‘lishi lozim. Ayni vaqtda arizaning kirish qismi asosiy qismi bilan aralashib ketmasligi, xat boshidan yozishga qat’iy amal qilinishi imzo, ism-familiya hamda yil, kun, oy alohida-alohida ajratib ko‘rsatilishi kerak.
O‘quvchilarni e’lon yozishga o‘rgatish. E’lon o‘quvchilar faoliyatida ko‘p qo‘llaniladigan ish qog‘ozlaridan biridir. Ma’lum bir xabar, buyruq, yangilik, farmonni ko‘pchilik yoki ayrim shaxslarga yetkazish maqsadida e’londan foydalaniladi. Unda, albatta, e’lon qilinayotgan tadbirning vaqti, o‘tkazilish joyi, nomi, uni tashkil etayotgan saxs (muassasa, tashkilot va h.k.) qayd etiladi.
O‘quvchilarni telegramma matni ustida ishlashga o‘rgatish. Telegraf orqali yuboriladigan va olinadigan xabar yoki shunday xabar yozilgan qog‘oz telegramma sanaladi. O‘quvchilar faoliyatida ish qog‘ozining bu turiga ham juda katta ehtiyoj seziladi. Ayniqsa, maktab hayotida tabrik telegrammalaridan foydalanib turiladi. O‘quvchilar boshlang‘ich sinfdan boshlab ota-onasini, yaqinlarini, tanish-bilishlarini bayramlarda, tug‘ilgan kunlarda, ma’lum g‘alabani qo‘lga kiritganda tabriklashga o‘rganmoqlari lozim. Telegramma matni ustida ishlash boshqa ish qog‘ozlari matni ustida ishlashdan farq qiladi. Avvlo bu matn o‘zining ancha ixchamligi, qisqaligi va aniqligi bilan ajralib turadi. Matnning bu shakli so‘zdan, ayniqsa, tejab- tergab, to‘g‘ri va o‘rinli foydalanishni talab etadi.
Agar o‘quvchi telegrammani boshqa shaharga jo‘natayotgan bo‘lsa, manzilgohda olti raqamli pochta indeksi qo‘yilmasligi, faqat shahar aloqa bo‘limining tartib raqami yozilishini bilishi kerak. O‘quvchilarning telegramma matni ustida ishlashini otlarning ma’no guruhlari o‘rganilgandan keyin (6-sinf) tashkil etish maqsadga muvofiqdir.