Navoiy davlat pedagogika instituti «Tasdiqlayman»

Odami ersang demagil odami,
Oniki yo‘q xalq g‘amidin g‘ami.
Navoiy ma’naviyati va insonparvarligining markaziy nuqtasi desak, hech yanglishmaymiz. Navoiy butun umri bo‘yicha insonparvarlikni, odamiylikni kuylab, uni ulug‘lab o‘tgan. Kishilar g‘amida bo‘lish, yaxshilik qilish, muruvvat ko‘rsatish bu buyuk zot hayotining mazmuni bo‘lgan. Uning qabrida mana bu so‘zlar bitib qo‘yilgan: «SHohi g‘aribon», ya’ni g‘ariblar, yolg‘izlar, faqirlar shohi.



Navoiy saxovat va muruvvatda benazir inson bo‘lgan. O‘zining joylardagi er-suvlari, mol-mulklaridan kelgan daromadlarini to‘laligicha xayriya ishlariga sarflagan.
Birgina Hirot shahrida o‘zining jamg‘armasi hisobidan qanchadan-qancha binolar, inshootlar barpo etgan. Injil kanalining janub tomonida katta tibbiyot o‘quv yurti va shifoxona barpo ettirgan, ularga taniqli tabib va dorishunoslarni jalb etgan. Ixlosiya madrasasi yonida katta saroy qurdirib, undagi mehmonxonada kambag‘al beva-bechoralarni tekin ovqat bilan ta’minlagan. Muhtoj kishilarga har yili ikki ming po‘stin va kiyim-kechak tarqatgan. Bundan tashqari kanal qazdirib, Mashhad shahriga suv keltirgan. Navoiyning bundan qariyb 550 yil avval ilgari surgan g‘oyalari asrlar osha ahamiyatini, hayotiyligini yo‘qotgani yo‘q. Shavkat Mirziyoyevning insonparvarlik, xalqlar tinchligi uchun olib borayotgan kurashi bilan hamohang bo‘lib yangramoqda. Xulosa qilib aytganda, Temuriylar davri ilm-fan, ma’rifat, ma’naviyat va madaniyati jahon sivilizatsiyasi rivojiga ulkan hissa bo‘lib qo‘shildi. Bunda ulug‘ bobomiz, davlat arbobi, sarkarda sohibqiron Amir Temurning xizmatlari beqiyos va benazirdir. Buni hammamiz, ayniqsa Siz talaba yoshlar to‘g‘ri anglamog‘ingiz lozim, ul ulug‘ zot ila faxrlanishimiz barchamizning burchimiz.
Xulosa qilib, aytish mumkinki, butun jahon bo’yicha ulkan globalizatsion jarayonlar kechayotgan bir vaqtda o’zbek milliy mentalitetini tadqiq qilish, uning nechog’lik umuminsoniy qadriyatlarga mosligini kuzatish imkonini beradi. SHuningdek, xalqimizning qadimiy an’analari, azaliy urf-odat hamda marosimlariga ega bo’lishi bilan birgalikda, o’ziga xos va o’ziga mos milliy mentalitetga ega xalq ekanligidan dalolat beradi.