Navoiy davlat pedagogika instituti «Tasdiqlayman»

Fakultet kengashi raisi: __________ dots. R.Qarshiyev

O’quv metodik majmua 2021 yil 31 avgustdagi 1-sonli qarori bilan Navoiy davlat pedagogika institut kengashida muhokama etilgan va foydalanishga tavsiya qilingan.


Kelishildi: O`quv uslubiy boshqarma boshlig`i _________ N. Xolmirzayev
O`QUV-METODIK MAJMUA MUNDARIJASI

№	Nomi	Betlari
	Titul varog`i	1-3 betlar
	Ma’naviyat asoslari fanining ma’ruzalar mavzusi	4-133 betlar
	Ma’naviyatshunoslik fanidan glossariylar o`zbek tilida	134-143 betlar
	Ma’naviyatshunoslik fanidan glossariylar ingliz tilida	144-147 betlar
	Ma’naviyatshunoslik fanidan foydalanilgan adabiyotlar	148-150 betlar
	Ma’naviyatshunoslik fanidan mustaqil ta`lim mashg`ulotlari bo`yicha uslubiy ko`rsatma	151-153 betlar
	Ma’naviyat asoslari fani bo`yicha baholash mezonlari	154-155 betlar
	Ma’naviyat asoslari fani yuzasidan testlar	156-166 betlar
	“Ma’naviyat asoslari” fanidan pedagogik metodlar	167-175 betlar
	Xulosa	176 bet

1- Mavzu: “Ma’naviyatshunoslik” fanining ob`ekti predmeti va ma’naviyatning jamiyat hayotidagi o’rni.
Reja:
1.“Ma’naviyatshunoslik” fanining predmeti, mavzu doirasi, tarkibi, maqsad va vazifalari.
2.Ma’naviyat tushunchasi,uning mazmun va mohiyati.Ma’naviyat tarixiy hodisa sifatida.
3.“Ma’naviyatshunoslik” tarixiy-nazariy fan sifatida. Uning ijtimoiy-gumanitar fanlar tizimidagi o’rni.


Tayanch konspekt: “Ma’naviyatshunoslik” fanining predmeti, mavzu doirasi, tarkibi, maqsad va vazifalari. Ma’naviyat tarixiy hodisa sifatida. Ma’naviyatning jamiyat hayotidagi o’rni. “Ma’naviyatshunoslik” fanining metodologik asosi. masalasi. “Ma’naviyatshunoslik” tarixiy-nazariy fan sifatida.

Har bir mustaqil millat o’z hayot tarzini, kelajagini ajdodlarning tarixiy tajribasi va jahondagi ilg’or tamoyillar uyg’unligi asosiga qursa, yanglishmaydi. Bunday mustaqil rivojlanish yo’li istiqlolning dastlabki yillaridan e’tiboran O’zbekistonning birinchi Prezidenti I.A. Karimov tomonidan ishlab chiqildi va o’tgan yillar mobaynida izchil amalga oshirib kelinmoqda.

“O’zbek modeli” deb shuhrat qozongan ushbu mustaqil taraqqiyot yo’lida milliy ma’naviyatimizni tiklash va yanada yuksaltirishga alohida e’tibor qaratilgan. 1999 yil 14 aprel kuni ochilgan Birinchi chaqiriq O’zbekiston Respublikasi Oliy Majlisining XIV sessiyasidagi "O’zbekiston XXI asrga intilmoqda" deb nomlangan ma’ruzasida Birinchi Prezident I.A.Karimov mamlakatimizni yangi asr arafasi va uning dastlabki yillaridagi rivojlanish strategiyasini belgilab berar ekan, "jamiyat ma’naviyatini yanada yuksaltirish”ni ustuvor yo’nalishlardan ekanligini alohida ta’kidlab, ma’naviyatga mukammal ta’rif berish bilan birga bu sohada bugungi kunda oldimizda turgan eng muhim masalani ham aniq ko’rsatib o’tgan edi:
“Erkin fuqaro ma’naviyatini, ozod shaxsni shakllantirish masalasi oldimizda turgan eng dolzarb vazifadir. Boshqacha aytganda, biz o’z haq-huquqlarini taniydigan, o’z kuchi va imkoniyatlariga tayanadigan, atrofida sodir bo’layotgan voqea-hodisalarga mustaqil munosabat bilan yondashadigan, ayni zamonda shaxsiy manfaatlarini mamlakat va xalq manfaatlari bilan uyg’un holda ko’radigan erkin, har jihatdan barkamol insonlarni tarbiyalashimiz kerak".¹
O’zbekiston Respublikasining Birinchi Prezidenti I. Karimovni 2008 yilda bosilib chiqqan “Yuksak ma’naviyat – yengilmas kuch” kitobida bu masalaga yana alohida urg’u berib shunday yozadi:
“Biz xalqimizning dunyoda hech kimdan kam bo’lmasligi, farzandlarimizning bizdan ko’ra kuchli, bilimli, dono va, albatta, baxtli bo’lib yashashi uchun bor kuch va imkoniyatlarimizni safarbar etayotgan ekanmiz, bu borada ma’naviy tarbiya masalasi, hech shubhasiz, beqiyos ahamiyat kasb etadi. Agar biz bu masalada hushyorlik va sezgirligimizni, qat’iyat va mas’uliyatimizni yo’qotsak, bu o’ta muhim ishni o’z holiga, o’zibo’larchilikka tashlab qo’yadigan bo’lsak, muqaddas qadriyatlarimizga yo’g’rilgan va ulardan oziqlangan ma’naviyatimizdan, tarixiy xotiramizdan ayrilib, oxir-oqibatda o’zimiz intilgan umumbashariy taraqqiyot yo’lidan chetga chiqib qolishimiz mumkin.”
Ma’lumki, G’arb olamida falsafa qanchalik mashhur bo’lsa, Sharqda ma’naviyatga shunday katta e’tibor berib kelingan. Jumladan, jahon tan olgan buyuk orif, shoir va mutafakkir Jaloliddin Rumiyning 25700 baytdan iborat “Masnaviyi ma’naviy” asari ma’naviyatning cho’ng qomusi sifatida shuhrat topgan. Chunki bu kitobda insonning Borliq haqiqatiga munosabati² o’zining butun qirralari bilan aks ettirilgan.