Навоий кон металлургия комбинати

Лаборатория ишини бажариш тартиби ва услуби

1. Аппаратлар, ўлчов асбоблари, чироқлар ва лаборатория қурилмасининг бошқа элементлари техник маълумотларини ёзиб олинг.
2. Люксметрнинг тузилиши ва ишлаши билан танишинг.
3. 7 схемага асосан электр схемани чизинг ва йиғинг.
4. Чўғланма чироқлар ва «ДРЛ» чироғининг токи, кучланиши ва қувватини аниқланг ҳамда вольт-ампер характеристикасини чизинг.
5. Люксметр ёрдамида чўғланма чироқлар ва «ДРЛ» чироғининг ёруғлик оқимини ўлчанг ва ёруғлик унумини ҳисобланг.
6. Икки хонали уйнинг қават бўйича электр симларининг схемасини ўрганинг.

7. 
   Чироқлар ва розеткаларнинг уланиш-йиғиш схемасини тузинг.
   

Қисқача услубий кўрсатма

Лаборатория дастгоҳида чўғланма чироқ ва ишга туширишни созловчи ускуна (ПРА), қуввати 250 Вт бўлган ўрта босимли симоб чироғи ўрнатилган. АП-50 туридаги ўчиргич ёрдамида кучланиш берилади ва ЛАТР-4А туридаги автотрансформатор ёрдамида текширилаётган схемага берилаётган кучланиш ўзгартирилади. Йиғилган схемани текшириш учун А1, А2, А3 амперметрлари, вольтметрлар ва ваттметрлар, ҳамда ёруғлик оқимини ўлчаш учун Ю-16 туридаги люксметр ўрнатилган.
Кўча ва шоҳкўчаларни ёритиш учун кўпинча ДРЛ, ДРН, ДнаЛ туридаги ўрта ва юқори босимли люминесцент чироқлар қўлланилади, чунки уларнинг ёруғлик унуми жуда юқори. «ДРЛ» чироғининг уланиш схемаси 7-расмда кўрсатилган. «ДРЛ» чироқли ёритиш ускуналари бир чироқли, икки чироқли ва олти чироқлигача бўлади.
Хоналарнинг ёритиш тармоқларида, асосан, чўғланма чироқлар қўлланилади (U_ном=220В; Р_ном=25; 40; 60; 100; 150; 200 Вт).
Люминесцент чироқли ёруғлик ускуналари бир-, икки-, уч-, тўрт- ва беш чироқли бўлиши мумкин. Бир-уч чироқли ёритиш ускунасининг уланиш схемаси 8-расмда кўрсатилган.
«Розетка» лар параллел, ёритиш ускуналари эса ўчиргич орқали кетма-кет уланади. Икки хонали уйнинг ёритиш электр симларининг режаси 9 расмда кўрсатилган.