Навоий кон металлургия комбинати Келишилган: Тасдиқлайман: нкмк кук раиси нкмк бош муҳандиси

17.8. Наряд бўйича ишларни ташкиллаштирувчи ва назорат қилувчи ҳамда бевосита уларга раҳбарлик қилувчи шахслар наряд бўйича ишларнинг боришини кузатиб туришлари ва смена бошлиғи (диспетчер) билан доимо алоқада бўлиши шарт. Кончилик ишларини олиб борувчи бўлинманинг бош муҳандиси қарори бўйича, тезкор ахборотлар ўтишининг ва маълумотларни (вақт, ҳажм, манба ва олувчи) тақдим этишнинг тартиби (схемаси) аниқ ҳужжат билан аниқланиши мумкин.
17.9. Смена бошлиқлари ва кон (шахта) диспетчерлари кон лаҳимларидаги иш жойларига бош муҳандис томонидан тасдиқланган жадвал бўйича ва ишлаб чиқариш зарурияти бўйича боришлари керак.
17.10. Авария пайдо бўлган ҳолатда диспетчер (смена бошлиғи) коннинг (шахтанинг) бош муҳандиси келгунча аварияларни бартараф этиш бўйича ишлар масъул раҳбари вазифасини бажаради. Бунда, у берилган нарядларни юзага келган вазиятга кўра кон усталари ва участкалар ҳамда хизматлар бошлиқларини хабардор қилган ҳолда тўлиқ ва қисман тўхтатиш ва бекор қилишга ҳақли.
17.11. Смена охирида сменани топшираётган кон устаси, сменани қабул қилаётган устага (смена бошлиғига, диспетчерга, биринчи сменада эса, участка бошлиғига ҳам) наряднинг бажарилиши, иш жойларидаги ишларнинг ҳолати, жиҳозлар ва механизмларнинг аҳволи, кон-геологик ҳолат тўғрисидаги тўла-тўкис маълумотларни бериши шарт ва шундан кейин Нарядларни бериш китобига ҳисоботни ёзма равишда расмийлаштириши керак.
17.12. Смена тугагандан кейин кон устаси унга бўйсунадиган ходимларнинг ва нарядга ёзилган чет ходимлар орасидаги шахсларнинг очиқ кондан (шахтадан) чиқишларини таъминлаши ва назорат қилиб туриши шарт. Улардан кимдир чиқмай қолган ҳолатда, кон устаси диспетчерни (смена бошлиғини) хабардор қилиши ва у билан биргаликда зудлик билан ходимни ахтаришни ташкиллаштириши шарт.


IV. Топшириқ (смена топшириғи) бўйича ишларни амалга ошириш