Навоий кон металлургия комбинати Келишилган: Тасдиқлайман: нкмк кук раиси нкмк бош муҳандиси

- меҳнат муҳофазаси (хавфсизлиги) бўйича аниқ йўриқномаларнинг аниқ пунктлари;
- ишларни хавфсиз бажаришнинг харита ва лойиҳалари;
- ижрочи имзо қўйиб танишган ва иш жойида мавжуд бўлган инструктаж дастурлари ҳамда бошқа меъёрий йўл-йўриқ берадиган ҳужжатлар.
23. Топшириқ берувчи раҳбар (смена бўйича катта) технологик сменанинг ишчиларига берадиган ёзма топшириғида, ишларнинг аниқ участкасини ва хизмат кўрсатадиган жиҳозни кўрсатиши, келгусидаги ишларни бажаришнинг хавфсиз услублари бўйича кўрсатмаларни ўтиши, ижрочиларга меҳнатнинг ўзига хос шароитларини ҳамда хизмат кўрсатадиган жиҳознинг ҳолатини, охирги топшириқни бергандан буён амалга оширилган вазиятдаги ва меҳнат шароитларидаги ўзгаришларни кўрсатиши керак.
24. Хавфи юқори бўлган ишларни бажаришга топшириқ топшириқлар Журналига ёзган ҳолда берилади. Бунда, “Ишларнинг хавфсизлигини таъминлайдиган чора-тадбирлар” графасига қуйидагича ҳавола қилинади: “Ишлар ___________ даги ______ -сонли наряд-рухсатнома бўйича амалга оширилади”.
25. Топшириқлар журналига ёзиш қора, кўк ёки бинафша рангдаги сиёҳ билан аниқлик ва тушунарлиликка риоя қилган ҳолда амалга оширилиши керак. Топшириқлар журналида тузатишлар, ишқалаб ўчиришлар, бўялишлар бўлиши тақиқланади. Ёзув нотўғри амалга оширилганда, топшириқ берувчига “нотўғри ёзув” белгисини, имзо ва санани қўйган ҳолда, нотўғри ёзувнинг устидан эҳтиёткорлик билан чизиқ тортиб ўчиришга рухсат берилади, шундан кейин янги ёзув амалга оширилиши керак.
Топшириқлар журнали рақамланган, шнурланган ва муҳр билан тасдиқланган бўлиши керак. Топшириқлар журналининг титул варағида бўлинма, цехнинг (участка, хизматнинг) номи, бошланиш ва тугатилиш саналари қўйилган бўлиши керак (тугатилиш санаси китобни сақлаш учун архивга топширилаётган вақтда қўйилади).
26. Топшириқ бажарилгандан кейин ишларнинг масъул ижрочиси (агар ишчилар звеносига битта топшириқ берилган бўлса) ёки ишларнинг ижрочиси (агар топшириқ битта ижрочига берилган бўлса) топшириқнинг бажарилганлиги (бажарилмаганлиги) тўғрисида топшириқ берган бевосита раҳбарга хабар бериши ва топшириқлар журналига ишларнинг тугатилганлиги тўғрисида ёзув киритиши керак.