Навоий кон металлургия комбинати Келишилган: Тасдиқлайман: нкмк кук раиси нкмк бош муҳандиси

V. Жорий ишларни бажариш


Жорий ишлар - бу ҳар сменадаги, смена давомида объектга (участкага, машинага, механизмга, хизмат кўрсатиш зонасига, ҳудудга ва шу кабиларга) бириктирилган ходимлар томонидан мустақил равишда ўтказиладиган ишлатиш, хизмат кўрсатиш бўйича ишлар. Жорий ишларнинг рўйхатини бўлинманинг (цехнинг, участканинг) техник раҳбари аниқлайди. Ушбу ишлар ўтказишнинг хавфсизлиги ходимнинг ўзи томонидан Меҳнат муҳофазаси (хавфсизлиги) бўйича йўриқномалар ёки меҳнат хавфсизлиги бўйича иш жойида касби бўйича кўрсатмаларни ўтказиш дастурига киритилган бошқа меъёрий ҳужжатларда баён этилган талабларга риоя этилишига боғлиқ бўлган наряд ёки топшириқ расмийлаштирилмасдан доимий рухсат этилган ҳисобланади.
27. Ҳар бир бўлинмада раҳбарнинг буйруғи билан касблар ва наряд ёки топшириқларни расмийлаштирмасдан жорий ишларни амалга ошириш тартибида амалга оширилиши мумкин бўлган ишларнинг турлари рўйхати аниқланган бўлиши керак.
28. Жорий ишларни амалга ошириш ташкиллаштирилган барча бўлинмаларда (цехларда, участкаларда) бўлинма маъмурияти томонидан ишлаб чиқилган, касаба уюшмаси қўмитаси, ММ ва ХТ хизмати билан келишилган ҳамда бўлинманинг биринчи раҳбари томонидан тасдиқланган жорий ишларни амалга ошириш рўйхати бўлиши керак.
Бундай ишлар рўйхатига заруриятга қараб тузатишлар киритиб борилиши (иш мажбуриятлари, штатлар жадвали, меҳнат шароитлари ва шу кабиларнинг ўзгариши), 36 ойда камида бир марта эса қайта кўриб чиқилиши керак.
Жорий ишларни бажараётган ходимлар ушбу ишларнинг рўйхати ва ундаги ўзгаришлар (тўлдиришлар) билан имзо қўйдирган ҳолда таништирилиши ва уни эркин фойдалана олиши керак.
29. Жорий ишларни амалга ошириш ташкиллаштирилган барча бўлинмаларда (цехларда, участкаларда), Меҳнат муҳофазаси (хавфсизлиги) бўйича йўриқномалар ва касблар ҳамда юқорида қайд этилган рўйхатга киритилган ишларнинг турлари бўйича бошқа меъёрий ҳужжатлар қайта кўриб чиқилиши керак.
30. Мазкур рўйхатга меҳнат хавфсизлигининг қўшимча (оширилган) талаблари қўйиладиган касблар ва ишларнинг турлари киритилмайди.