Навоий давлат кончилик институти корхона жиҳозлари

Материалларни навларга ажратиш элаклар

Донадор материалларни бўлаклари ёки доналарининг катталиги бўйича турларга ажратиш классификациялаш (таснифлаш) дейилади).
Ажратишни амалга ошириш усули бўйича таснифлаш уч хил бўлади: элаш(грохочение)- элаклар ёрдамида ажратиш; гидравлик таснифлаш – турли ўлчамдаги доналарнинг сувдаги чукиш тезлиги турличалигига асосланиб ажратиш ҳаволи сепарациялаш - турли катталикдаги доналарнинг ҳаводаги чукиш тезлиги турличалигидан фойдаланиб ажратиш. Ўлчамлари маълум бир оралиқда бўлган доналарни ажратиш навларга ажратиш (сортировка) дейилади.
Элаш панжаралар ёки сим турлар ёрдамида амалга оширилади.
Икки ва ундан кўпрок ўлчамдаги маҳсулотларни элаш ёрдамида олиш усуллари 1.12-расмда кўрсатилган. Элашнинг олдин майда доналарни олиш усулида жараённи кўзатиш ва элакларни алмаштириш осон, лекин бунда асосий оғирлик майда элакларга тушганлиги сабабли улар ортиқча юкланиш олади ва тез ейилади. Олдин катта доналар ажратилса элашнинг самарадорлиги ошади, майда элаклар камроқ ейилади, лекин бундай элакларни таъмирлаш бироз қийин. Элакларнинг асосий конструкциялари 1.13-расмда кўрсатилган.
Барабанли элак (ғалвир) ён деворлари тешик бўлган қия ўрнатилган айланувчи барабандан иборат (1.13-расм,а). Элашда олдин майда доналар ажратилади, яъни майдадан катта томонга қараб боради. Ажратилиши лозим бўлган сочилувчан материал барабанннинг баланд учидан берилади ва элак бўйлаб ҳаракатланишда тукилади, ҳамда алоҳида фракциялар кўринишида йиғиб олинади. Тебранма элак текис материалдан қилинган ва эксцентрик юритма билан кинематик боғланган эловчи сиртдан ташкил топган(1.13-расм,б). Эксцентрик эловчи сиртни тебратади ва сиртнинг устидаги материалнинг керакли катталикдаги доналари тукилади.



1.12-расм. Элашнинг усуллари: а-олдин майда доналарни олиш; б-олдин каттадоналарни олиш; в- комбинацияли.
Бу машиналарнинг унумдорлиги катта бўлиши билан бирга, уларнинг динамик юкланиши ҳам катта. Шунинг учун тебранма элаклар тез ишдан чиқади.
Вибрацион элак пружиналар устида ўрнатилган текис, тешикли сиртдан (лист) иборат. Дисбалансли юритма бу сиртни тебратади. Бу элакларнинг унумдорлиги ва самарадорлиги юқори.