Научный совет dsc

Тадқиқотнинг усуллари. Тадқиқот олиб боришда тарихий, тизимли-
тузилмавий, қиёсий-ҳуқуқий, мантиқий, аниқ социологик, илмий манбаларни 
комплекс тадқиқ этиш, индукция ва дедукция, статистик маълумотлар 
таҳлили каби усуллар қўлланилган.
Тадқиқотнинг илмий янгилиги қуйидагилардан иборат: 
махсус ваколатли органлар томонидан жиноий фаолиятдан олинган 
даромадларни легаллаштириш, терроризмни молиялаштириш ва оммавий 
қирғин қуролини тарқатишни молиялаштириш юзасидан эҳтимол тутилган 
таваккалчиликларни ўрганишни, таҳлил қилишга доир чораларни йилига 
камида бир марта кўриши шартлиги асосланган; 
пул маблағлари ёки бошқа мол-мулк билан боғлиқ, тайёрлаш, содир 

---

28 
этиш жараёнида бўлган ёки содир этиб бўлинган, ички назорат қоидаларида 
белгиланган мезонлар ва белгиларга мувофиқ жиноий фаолиятдан олинган 
даромадларни легаллаштириш ёки терроризмни молиялаштириш ёхуд 
оммавий қирғин қуролини тарқатишни молиялаштириш мақсадида амалга 
оширилганлиги тўғрисида шубҳа пайдо бўлган операция шубҳали операция, 
деб топилиши зарурлиги асослаб берилган; 
пул маблағлари ёки бошқа мол-мулк билан боғлиқ операцияларни 
амалга оширувчи ташкилотлар шубҳали операциялар тўғрисидаги 
хабарларни, шу жумладан уларни амалга оширишга бўлган уринишлар 
тўғрисидаги хабарларни улар аниқланган кундан кейинги бир иш кунидан 
кечиктирмай махсус ваколатли давлат органига белгиланган тартибда 
юбориши зарурлиги асосланган; 
жиноятлардан олинган даромадларни легаллаштиришга қарши 
курашиш мақсадида портловчи моддаларни тегишли рухсатномага эга 
бўлмаган ташкилотларга реализация қилиш ёхуд ташиш учун тақдим 
этишнинг тақиқланиши зарурлиги асослаб берилган. 
Тадқиқотнинг амалий натижалари қуйидагилардан иборат:
«Жиноятдан олинган даромадларни легаллаштиришга, терроризмни 
молиялаштиришга 
ва 
оммавий 
қирғин 
қуролларини 
тарқатишни 
молиялаштиришга қарши курашиш тўғрисида»ги Ўзбекистон Республикаси 
Қонунига ўзгартишлар киритиш зарурати асослаб берилган; 
ушбу жиноят тўғрисидаги суд қарорларини умумлаштириш ва таҳлил 
қилишнинг Ўзбекистон Республикаси Олий суди томонидан даврий 
амалиётни жорий этиш бўйича таклифлар асослаб берилган ва қабул 
қилинган; 
жиноятлардан олинган даромадларни легаллаштиришга қарши кураш 
соҳасидаги Ўзбекистон Республикасининг амалдаги қонунчилигини 
такомиллаштириш бўйича тегишли таклифлар ишлаб чиқилган; 
ушбу жиноятнинг олдини олиш самарадорлигини ошириш бўйича 
амалий тавсиялар ишлаб чиқилган; 
жиноий фаолиятдан олинган даромадларни легаллаштиришга қарши 
курашишда Ўзбекистон Республикаси жиноят қонунчилигини халқаро 
стандартлар билан уйғунлаштириш ва бирлаштириш зарурияти асослаб 
берилган.