Narzulla Jo„rayev O„zbekiston tarixi

«Har qanday qonun faqat ijro qilingan 
taqdirdagina qonundir. Qonunning amalda ishlashi uchun esa unga yordamchi 
aktlar tuzish, eng asosiysi esa, uni hayotga tatbiq etish kerak. Chunki 
hayotimizda parokandalik, tushunmovchilik va hatto, ushbu parokandalik va 
xaosni qo„llab-quvvatlab, loyqalatilgan suvdan o„z manfaatiga mos ko„p 
narsalarni olishni ko„zlovchi juda ko„p kuchlar mavjud.
Endi siz ayting-chi, kuchli bo„lmagan hokimiyat qonunlarning, ba‟zida 
unchalik ommalashmagan qonunlarning hayotga tatbiq qilinishini ta‟minlashi 
mumkinmi? Axir, qonun xo„jalik iqtisodiy sohasiga tatbiq qilinishidan ilgari 
odamlarning ongiga yetib borishi shart emasmi? Faqat hayotning o„zigina 
odamlar tafakkurini o„zgartirishi mumkin. Biz bu bosqichni bosib o„tishimiz 
kerak. Bunday davrda agar muhim yo„nalishlarni belgilab beruvchi, fuqarolarni 
himoya qiluvchi, oddiy odamlar va ularning bolalarini himoya qiluvchi, ularning 
eng muhim kafolat – mehnat kafolati bilan ta‟minlaydigan kuchli hokimiyat 
bo„lmasa qanaqasiga inson huquqlari va erkinliklarini kafolatlash haqida gap 
bo„lishi mumkin»,
– deb ta‟kidlagan edi. 
Mavzuga doir material 
 
O„zbekistonning maqsadlari va ustunliklari 
O‘zbekiston mustaqil davlat sifatida zimmasiga quyidagi maqsadlar va ustunliklar 
haqida majburiyat oldi: 
– insonning siyosiy, iqtisodiy, ijtimoiy huquqlarini ta’minlash, madaniyatlarning 
xilma-xilligini hurmat qilish, etnik va diniy negizdagi biron-bir ziddiyatga yo‘l 
qo‘ymaslik; 
– tinchlik va o‘z fuqarolari xavfsizligi manfaatlarini, mamlakatda ijtimoiy 
barqarorlikni har qanday boshqa – iqtisodiy, mafkuraviy, siyosiy manfaatlardan 
yuqori qo‘yish; 

---

99 
– odamning yashash muhiti sifatida atrof-muhit holatini saqlash va yaxshilashga 
alohida ahamiyat berish. Mamlakat bundan keyin ham eng mushkul ulkan ekologik 
muammolaridan biri – qurib borayotgan Orol dengizi muammosini hal etishga katta 
miqdordagi mablag‘lar ajrataveradi; 
– fuqarolarning erkin iqtisodiy faoliyati, tadbirkorlik bilan shug‘ullanishga, kasb 
tanlashga va o‘z mehnati bilan qatnashishga kafolatli konstitutsion huquqlarni 
ta’minlash; 
– aholi salomatligini saqlash, umumiy o‘rta ta’limni ta’minlash, oliy kasb 
ma’lumotini oshirishda faol ishtirok etish, jamiyatning ta’limiy va intellektual 
potensialini oshirish uchun sharoitlar yaratish; 
– bozorga o‘tish davrida va shundan keyingi davrlarda aholini ijtimoiy himoyalash 
bo‘yicha oldindan ko‘riladigan choralar shaklidagi kuchli ijtimoiy siyosatni 
ta’minlash; 
– o‘zbek xalqining fuqarolarning ijtimoiy o‘z-o‘zini boshqarish organlari – 
mahalla yig‘inlarini jalb etish shaklidagi odamlarning bir-birlariga o‘zaro yordam 
ko‘rsatishi bo‘yicha asriy an’analarini tiklash.