Наряд тизими” тўғрисидаги Низом Кириш

15.4.5. Ижрочиларни ишларни бажаришга наряд бўйича ишларни амалга оширишга қўйиш:
15.4.6. Ижрочиларни наряд бўйича ишларни амалга оширишга қўйиш, бўлинмаларда амалдаги норматив-техникавий ҳужжатларнинг талабларига мувофиқ нарядни қабул қилган раҳбар ёки унинг топшириғи бўйича ишлар масъул ижрочиси томонидан амалга оширилади.
15.4.7. Агар ишларни амалга ошириш битта ижрочига топши-рилган бўлса, унда у иш жойини, жиҳозларни, инструментлар ва шу кабиларни кўриб чиққандан ҳамда аниқланган камчиликлар бартараф этилгандан кейин ишларни бошлаш ҳақидаги қарорни мустақил равишда қабул қилади.
15.5. Наряд бўйича ишларни амалга оширишни ташкил этиш:
15.5.1. Нарядни ижрога қабул қилган ишлар раҳбари ўзининг баҳолаши бўйича масъул ижрочи ўз вазифаларини бажариш ҳолатида бўлмаган вазиятда ёки бошқа ишлаб чиқариш ҳолларида барча ишларга ёки алоҳида операцияларни бажаришга раҳбарлик қилишни ўз зиммасига олиш ҳуқуқига эга.
15.5.2. Нарядни ижрога қабул қилган раҳбар, масъул ижрочи ва бригада аъзолари нарядни унинг мазмуни билан аниқ мувофиқликда амалга оширишлари, шунингдек нарядни ўзгартириш ҳуқуқига эга бўлган шахсларнинг кўрсатмаларини, уларни кейинчалик нарядларни бериш китобига киритган ҳолда бажаришлари керак.
15.5.3. Бригада аъзолари ўзларининг ишларни тўхтатиш ёки қисқа вақтга иш жойидан кетиш билан боғлиқ бўлган ҳаракатларини ишлар масъул ижрочиси билан келишишлари керак.
15.5.4. Наряд бўйича ишлар, ижрочилар ёки атрофдагиларнинг хавфсизлиги ва соғлигига хавф пайдо бўлган ҳолатларда тўхтати-лиши керак. Наряд бўйича ишларни давом эттириш фақат бундай хавфлар бартараф этилгандан кейин мумкин бўлади.
15.6. Нарядни ўзгартириш (тўғрилаш).
15.6.1. Нарядни, уни берган шахс ёки нарядни берган раҳбарни албатта хабардор қилган ҳолда юқори турувчи раҳбар, уни нарядларни бериш китобига ёзган ҳолда ўзгартириши мумкин.
15.6.2. Агар нарядни амалга ошириш мумкин бўлмаса ёки юзага келган ҳолат сабабли ўзгартиришни талаб этса, бунда ишлар масъул ижрочиси ишлар раҳбарини (у бўлмаганда нарядни берган раҳбарни) ёки диспетчерни хабардор қилади ва шундан кейин унинг буйруқлари бўйича ҳаракат қилади.