Наргис Қосимова

Бош муҳаррир ўринбосари
таҳририят жамоасини бошқаришда ва 
ишини ташкил этишда бош муҳаррирнинг биринчи ёрдамчиси саналади. У 
бош муҳаррир бўлмаган пайтларда унинг вазифасини бажаради. Бошқа 
пайтларда эса у одатда таҳририят жамоаси фаолиятининг маълум бир 
йўналиши учун жавоб беради.
Таҳририятнинг ижро бўлимига ижодий бўлим муҳаррирлари, 
мухбирлар (махсус ва ўз мухбирлари) киради. 
Муҳаррир
бўлим фаолиятини бошқаради. Унинг моҳиятидан келиб 
чиққан ҳолда ишини ташкиллаштиради. Қўл остидаги мухбирлар 
фаолиятини назорат қилади. Таҳририятга муаллифлардан келаётган хатларни 
қайта ишлайди. Таҳририятнинг мақсад ва вазифаларидан келиб чиққан ҳолда 
ўз бўлимининг мавзуси доирасида махсус ва ўз мухбирларига топшириқлар 
беради. Веб-саҳифада лозим бўлган ва тайёрланган материалларни таҳрир 
қилади. 
Шарҳловчи
мутахассислар тоифасига киради. Шарҳловчи лавозимига 
“Журналистика” мутахассислиги бўйича тажрибага, камида 4 йил иш 
стажига эга шахслар ишга қабул қилинади. 
Шарҳловчи қуйидагиларни билиши лозим: 
- 
ОАВ га оид барча қонунларни; 
- 
материалларни нашрга тайёрлашни; 
- 
таҳрир қилишни; 
- 
журналист фаолиятининг касбий этикасини; 
- 
журналистик 
фаолиятда 
фойдаланиладиган 
техника 
воситаларини ишлатишни; 
- 
меҳнат қонунчилигининг асосларини; 
- 
Ўзбекистон Республикасининг ички ва ташқи сиёсатидан 
хабардор бўлиши лозим. 

---

145 
Мажбуриятлари: 
- 
доимий равишда давлат органлари, нодавлат ва жамоат 
ташкилотлари, маҳаллалар ва бошқа ОАВлар билан мулоқотда бўлади; 
- 
таҳририятни умумлаштирувчи ахборот билан таъминлайди,
янги қабул қилинган ва мавжуд қонунларни шарҳлайди; 
- 
порталда эълон қилиш учун таҳлилий, умумлаштирувчи 
материалларни мавзуга тааллуқли ҳужжатлар асосида ҳамда ўз фикрини 
берган ҳолда тайёрлайди; 
- 
воқеаларни 
шарҳлайди, 
ахборотлардаги 
маълумотларнинг 
тўғрилигини назорат қилади; 
- 
иқтибосларнинг тўғрилигини текширади; 
- 
таҳририятнинг истиқболли ва жорий режаларини ишлаб чиқишда 
қатнашади; 
- 
янги мавзуларни ёритиш борасида таклифларни ишлаб чиқади, 
йиғади ва умумлаштиради; 
- 
таҳририят топшириғига биноан ахборот йиғади ва уларни 
порталда, газетада эълон қилишга тайёрлайди.