Наргис Қосимова

Назорат учун саволлар: 
1. 
Онлайн таҳририятининг иқтисодий асосларини тавсифланг 
2. 
Таҳририятнинг реклама сиёсати қандай юритилади? 
3. 
Таҳририятда бизнес-режалаштириш ўз ичига нималарни олади? 
4.3.
 
ОНЛАЙН ОАВ ТАҲРИРИЯТИНИНГ ИЖОДИЙ 
ФАОЛИЯТИ 
 
Режа: 
1.
 
Онлайн ОАВ таҳририяти ижодий фаолиятининг ўзига 
хослиги 
2.
 
Таҳририят раҳбарияти 
3.
 
Таҳририят жамоаси 
Тавсия этиладиган адабиётлар: 
1.
 
 Қосимова Н. Интернет журналистикасининг технологик асослари. 
-Тошкент 2012. 

---

142 
2. Қосимова Н. Интернет журналистика ННТ фаолиятида. –
Тошкент, Журналистларни қайта тайёрлаш маркази. 2017 й. 
 
Калит сўзлар: 
онлайн журналистика, ОАВ, таҳририят, бош муҳаррир, 
масъул котиб, журналист
 
Онлайн оммавий ахборот воситалари ахборот тизимининг бир бўлаги 
сифатида намоён бўлар экан, таҳририят жамоаси кўплаб таркибий 
элементлардан ташкил топган мураккаб механизмдан иборат ижтимоий 
тизим сифатида намоён бўлади.
Таҳририят жамоасининг асосий вазифаси маълум бир ахборотларга 
эҳтиёжи бўлган аудитория учун ўша ахборотларни ижтимоий аҳамиятли 
қилиб етказиб беришдан иборатдир. 
Таҳририят жамоаси зиммасига юкланган вазифалар кўламидан келиб 
чиқиб, унинг таркиби ва тузилиши шакллантирилади. Таҳририятнинг 
тузилиши унинг ижодий ва техник бўлимларининг ўзаро боғлиқлигида 
кўринади, дейиш мумкин.
Бир сўз билан айтганда, таҳририятнинг тузилиши унинг ходимлари 
томонидан бажариладиган вазифаларига боғлиқ бўлади, ходимларнинг 
босқичма-босқич иш жараёнини ўз ичига олган ҳаракатларидан, уларнинг 
ижтимоий ва алоҳида ўзига хосликларидан таркиб топади.
Замонавий таҳририят тузилишининг илк кўринишларининг пайдо 
бўлиши И. Гутенберг томонидан босма станок яратилган пайтларга бориб 
тақалади. Ўрта асрлардаги ҳар бир саҳифаси кўплаб ҳаттотлар томонидан 
кўчириб кўпайтириладиган қўлёзма газеталардан фарқли равишда босма 
нашр таҳририятининг таркиби ношир (аксарият ҳолларда унинг ўзи бош 
муҳаррир вазифасини ҳам бажарган) ҳамда ахборотларни тўплаш ва қайта 
ишлашда унга ёрдам берадиган атиги бир неча ходимлардан иборат бўлган. 
Бугунги кунда онлайн нашрларнинг ривожланиши билан таҳририятлар 
ўртасидаги рақобат ҳам кучайиб бормоқда. Бу эса таҳририятда фаолият 
юритаётган журналистлар ва бошқа ижодий ходимларнинг ихтисослашувига
ҳамда улар сонини маълум миқдорда кўпайтиришга зарурат туғдирди.
Таҳририят бошқаруви таҳририятнинг муҳим таркиби бўлиб, унга бош 
муҳаррир ва унинг ўринбосарлари киради.