Намду филология факультети ўзбек тили йўналиши магистранти Саидаҳмедова Нигора Сулаймоновнанинг “Наманган вилояти агиотопоним ва экклезионимларининг социолингвистик тадқиқи” мавзуидаги магистрлик диссертацияси

1. Ob’ektning miqdori, soni bilan bog’liq agiotoponim va ekklizionimlar. Bunday ob’ektining miqdorni, son-sanog’ini e’tiborga olish asosida nomlangan bo’ladi: Beshtepa, Qo’shtepa (Uchqo’r. t.), Yakkatepa (Chust t.), Uchtepa( Nor. t.,Chor.t.) kabi.
Beshtepa Uchqo’rg’on tuman Yangier QFY Dehqonboyso’fi fermer xo’jaligi hududida joylashgan. O’rta asrlarga mansub arxeologik yodgorlik. Yodgorlik ikki tepalikdan tashkil topgan qo’rg’on qoldiqlari bo’lib, balandligi 5-6 metrlar, diametri 40x65 metr dan iborat. O’rtasidan so’qmoq yo’l va ariq oqib o’tgan.
Qo’shtepa Uchqo’rg’on tuman, Bo’ston mahallasida joylashgan. Antik va o’rta asrlarga mansub arxeologik yodgorlik. Yodgorlik ikki tepalikdan tashkil topgan biri 3,-3,5 metrlar, ikkinchisi 2 metrlar keladigan do’nglikdan iborat. Hozirda kabriston sifatida foydalanishmoqda.
Qo’shtepa – 1 Chust tuman Sherbilak QFY hududida, qishloq mahalliy yo’li va aholi oralig’ida joylashgan. Yer maydoni 0,16 gektardan iborat joyi saqlanib qolgan. Antik va o’rta asrlarga mansub arxeologik yodgorlik.
Qo’shtepa-2 Chust tuman Sherbilak QFY hududida, qishloq aholisi oralig’ida joylashgan. Yer maydoni 0,11 gektardan iborat joyi saqlanib qolgan. Antik va o’rta asrlarga mansub arxeologik yodgorlik.
Yakkatepa Chust tuman Dam qishloq fuqarolar yig’ini Damobod mahalasi hududida, dala o’rtasida joylashgan. Antik va o’rta asrlarga mansub bo’lgan arxeologik materiallarga boy yodgorlik.
Uchtepa Chortoq tuman Arbag’ish qishlog’i hududida joylashgan. Antik va o’rta asrlar arxeologiya yodgorligi.
Uchtepa-2 (O’rtatepa, Nuralibuvatepa) Norin tumani Uchtepa qishloq fuqarolar yigini Uchtepa qishlog’i hududida joylashgan arxeologik yodgorlik, bo’lib Eramizdan avvalgi III-II asrlar va Eramizning V-VII asrlariga mansub yodgorlikdir. Namangan – Haqqulobod avtomagistral yo’lining chap tomonida 50-60 metr ichkarida joylashgan. Uchtepa -1, 2, 3 umumiy holatda yagona majmuani tashkil etadi.
Uchtepa- 3 Norin tumani Uchtepa qishloq fuqarolar yigini Uchtepa qishlog’i hududida joylashgan arxeologik yodgorlik. Eramizdan avvalgi III-II va eramizning V-VI asrlariga mansub. Namangan–Haqqulobod avto-magistral yo’lining o’ng tomonida avtobekat orqasida joylashgan.