Намду филология факультети ўзбек тили йўналиши магистранти Саидаҳмедова Нигора Сулаймоновнанинг “Наманган вилояти агиотопоним ва экклезионимларининг социолингвистик тадқиқи” мавзуидаги магистрлик диссертацияси

2) qabriston nomlari: Baland Gurtepa (Mingbuloq t. Gurtepa q.), Go’rmiron (Kosonsoy t. Tergachi q.) kabi;
3) sag’ana nomlari: Munchoqtepa sag’analar majmui (Pop sh.) kabi;
4) maqbara nomlari: Sulton Sayyid Bobo maqbarasi (Chortoq t. Koroskon q.), Sulton Vaysil Qaran (CHortoq t. Bog’iston q.), Mulla Bozor Oxund maqbarasi (Namangan sh.) kabi;
5) mug’xona nomlari: Bo’smatbobo, Chorsavoyzinbobo (Pop t. Chodak q.) kabi.
Nomlarning takroriyligi masalasiga kelsak, 3 ta Qizmozor (To’raqo’rg’on tumanida 1ta, Uychi tumanida 2 ta), 3 ta Shahidmozor (Uychi t., Chust t.), 2 ta Birodarlik (Uchqo’rg’on t. Yangier q., Qo’g’ay q.) nekronimlari mavjudligi aniqlandi.
Mozor, qabriston nomlari bilan atalgan suv ob’ekti nomlari agiogidronimlar guruhiga kiradi. Agiogidronim termini grekcha agio – «muqaddas, ilohiy» va gidronim – «suv ob’ekti nomi» ma’noli qismlaridan tarkib topgan.² Masalan, Shahidmozor (Nam. v. Norin t. U.Yusupov q.), Azizbuloq (Nam. v. Yangiqo’rg’on t. Buloqboshi q.), Buvichaona bulog’i (Chust t. kabi).
Ayrim mozor va qabristonlar o’zining xarakter-xususiyatiga mutanosib tarzda tinchlik, osoyishtalik semalarini ifodalovchi oddiy so’zlar bilan: Mangulik, Xotira (Norin t.), ba’zilari turli millat, elat, urug’ vakillari dafn etilganligiga nisbat berish asosida: Birodarlik (Uchqo’rg’on t.), Do’stlik (Uychi t.) deya atalgan.
Bir qator nekronimlar boshqa tipdagi nomlarning, jumladan, qishloq, mahalla, ko’cha nomlari – oykonimlarning hosil bo’lishiga asos bo’lgan. Agionim va nekronimlardan hosil bo’lgan aholi manzillarining nomlari agiooykonimlar, nekrooykonimlar deb yuritiladi. Viloyat oykonimiyasida bir necha agiooykonimlar, nekrooykonimlar kuzatiladi. Masalan, Bibiona (Chust t.), Daxiyaota // Daxyaota (Uychi t.), Langarbobo (To’ra.t.), Shomozor (Pop t.), Shohidon (To’ra.t.), Shahidmozor (Nor.t.), Sutlibuloq // Suttibuloq // Sutbuloq (Yangi.t.), Otakishi (Yangi.t.), Olchinmozor (To’ra.t.), Ko’kmozor (Nor.t.), Go’rmiron (Koson.t.) kabi.