Наманган муҳандислик-технология институти

4-расм. Туризмни диверсификация қилишнинг стратегик йўналишларини аниқлашда фойдаланиладиган SWOТ – таҳлил унсурлари

Ушбу расмдан кўриниб турибдики, SWOT – таҳлилда туризмни диверсификация қилишнинг стратегик йўналишларини аниқлашда унинг кучли (Strengths – S) ва заиф (Weaknesses – W) томонлари ўрганилаётган туристик фирмаларнинг фаолиятига бевосита боғлиқлигини инобатга олиш лозим. Ушбу томонларни ҳисобга олиб, туристик фирмалар ўз кучи ва имкониятларини ишга солган ҳолда бошқарув қарорларини қабул қилиши мумкин. Аммо унинг имониятлари (Opportunities – O) ва таҳдидлари (Threats – T) аксарият ҳолда ташқи омилларга боғлиқ бўлганлиги туфайли, уларни башқариш ва бартараф қилишда амалдаги меъёрий ҳужжатларнинг етарли даражада ишлаб чиқилганлиги, уларга амал қилиш механизмларининг тўғри йўлга қўйилганлиги каби омилларга ҳам таянишга тўғри келади. Шундай қилиб, туристик фирмаларда амалга ошираётган SWOT таҳлилда мавжуд имкониятлардан самарали фойдаланиш билан бирга таҳдидларни бартараф қилиш механизмларини ҳам ишлаб чиқиши лозим бўлади. Бу жараён SWOT таҳлил натижасида қабул қилинадиган қарорларда, ишлаб чиқилган чора-тадбирларда ўз аксини топади. Буларни аниқ белгилаш учун қуйидаги жадвал маълумотларидан фойдаланишни тавсия қиламиз (6-жадвал).

6-жадвал
Туризмни диверсификация қилишнинг стратегик йўналишларини аниқлашда фойдаланиладиган SWOТ таҳлил элементлари

Кучли томонлари: туристик ресурсларнинг етарлилиги; туризмни ривожлантиришга мамлакатимиз раҳбарияти томонидан катта аҳамият берилаётганлиги; туризмни амалга ошириш учун тегишли тажрибанинг шаклланганлиги;	SWOТ таҳлил элементлари	Заиф томонларини: туристик хизматларни жаҳон андозалари даражасида амалга оширадиган кадрларнинг мамлакати-мизда тўлиқ етишмаслигида; кириш туризмини ривожлантириш учун тегишли инфратузилманинг тўлиқ шаклланмаганлиги;