Наманган давлат университети

Диссертация тадқиқотнинг бажарилган олий таълим муассасасининг илмий -тадқиқот ишлари режалари билан боғлиқлиги.
Диссертация Наманган давлат университети илмий-тадқиқот ишлари режасининг “Таржимашунослик ва чет тил ўқитишнинг долзарб масалалари” банди доирасида бажарилган.
Тадқиқотнинг мақсади бошланғич синф ўқувчилари коммуникатив компетенцияларини дидактик ўйинлар воситасида шакллантириш технологиясидан иборат.
Тадқиқотнинг вазифалари:
таълим шароитида “компетенция”, “коммуникатив компетенция”га оид тушунчаларнинг мазмун ва моҳиятини лингвометодик ёндашуви асосида илмий-педагогик жиҳатдан асослаш;
дидактик ўйинлар воситасида бошланғич синф ўқувчиларида мотивацион, ҳиссий, интеллектуал, коммуникатив кўникмаларни шакллантириш мезонлари ва кўрсаткичларини аниқлаштириш;
бошланғич синф ўқувчилари коммуникатив компетенцияларини дидактик ўйинлар воситасида шакллантириш бўйича методик тавсиялар ишлаб чиқиш;
бошланғич синф ўқувчилари коммуникатив компетенцияларини дидактик ўйинлар воситасида шакллантиришга мўлжалланган машқлар тизимини ишлаб чиқиш.
Тадқиқотнинг объекти сифатида бошланғич синф француз тили дарсларида ўқувчилари коммуникатив компетенцияларини дидактик ўйинлар воситасида шакллантириш жараёнлари олинган.
Тадқиқотнинг предметини бошланғич синф чет тил таълимида ўқувчилари коммуникатив компетенцияларини дидактик ўйинлар воситасида шакллантиришнинг шакл, метод ва воситалари ташкил этади.
Тадқиқотнинг усуллари. Тадқиқот жараёнида мавзуга доир сиёсий, фалсафий, тарихий, тилшунослик, педагогик, психологик ва чет тил ўқитиш методикаси ва илмий-методик адабиётларни қиёсий ўрганиш ва танқидий таҳлил қилиш, кузатиш, социометрик (суҳбат, анкета, тест, интервью); тажриба-синов; мониторинг; баҳолаш; математик-статистик таҳлил; натижаларни умумлаштириш усулларидан фойдаланилди.
Тадқиқотнинг илмий янгилиги қуйидагилардан иборат:
бошланғич синф ўқувчиларига француз тилини ўргатишда “коммуникатив компетенция”, “компетенциявий ёндашув”, “коммуникатив лаёқат”, “коммуникатив фаолият”га оид қуйидаги ахборот-таҳлилий, прогнозли, полемик, рефлексив, креативлик, коммуникатив кўникмалари типологияси аниқлаштирилган;
бошланғич синф француз тили дарсларида ўқувчиларнинг коммуникатив компетенцияларини шакллантиришга йўналтирилган самарали педагогик шарт-шароитлар (мактаб муҳити, ўқитувчи-ўқувчи, ўқувчи-ўқувчи муносабатлари, синфдан ташқари ишлар) ва мулоқотни фаоллаштириш воситаси сифатида дидактик ўйинларнинг маҳсулдорлик омиллари (ўқувчи шахсининг мотивацион, ҳиссий, интеллектуал, коммуникатив) кўникмалари шакллантирилган ва асосланган;
бошланғич синф чет тил таълимида ўқувчиларнинг дидактик ўйинлар воситасида коммуникатив, перцептив, рефлексив, ижтимоий таянч компонентлари ҳамда психолингвистик лаёқатлари (нутқни ҳосил қилиш, идрок этиш, шакллантириш)ни тил бирликлари (фонетика, лексика, грамматика) асосида узвий боғлиқликда ўргатиш, эркин фикр юритиш, тафаккур қилиш, креативлик асосида шакллантириш бўйича методик тавсиялар ишлаб чиқилган;
бошланғич синф ўқувчилари учун француз тили дарсларида фонетика, лексика, грамматикага оид коммуникатив компетенциясини шакллантиришга йўналтирилган халқаро баҳолаш дастури талабларига мувофиқ коммуникатив ва дидактик ўйинларга асосланувчи, ролли ва проектли “Le français intéressant” “Қизиқарли француз тили” ўйинлар тўплами яратилди;