Namangan davlat universiteti tibbiy bilim asoslari kafedrasi tibbiy bilim asoslari fanidan amaliy

Nazariy tushuncha. Sun’iy nafas oldirish bemorning mustaqil nafas olishi qonni kislorod bilan yetarlicha to’yintira olmaydigan xamma xolatlarda birdan bir davolash metodi xisoblanadi.

O’tkir nafas yetishmovchiligi nafas yo’llariga yot jismlar tiqilib qolganda, suvga cho’kkanda, elektr tokidan shikastlanishda, turli toksinli moddalar yoki dorilardan zaxarlanishda, qon aylanishi buzilishi oqibatida sodir bo’ladi.

Gipoksiya (organizmda kislorod miqdori kamayishi) va giperkapniya (karbonat angidrid gazining ortiqcha tuplanishi) natijasida organizmda xamma organlar funksiyalarining og’ir buzilishi rivojlanadi, ularni faqat o’z vaqtida boshlangan sun’iy ventelyatsiya bilangina bartaraf etish mumkin.

Sun’iy nafas oldirishning 2 usuli ko’proq qo’llaniladi, ya’ni:

1. Og’izdan – og’izga;

2. Og’izdan - burunga;

Ishdan maqsad: Sun’iy nafas oldirish usullarini o’rganish va o’zlashtirish.
Kerakli jixozlar. Plakatlar, fantom qo’g’irchoqcha, bint.
Ishni bajarish tartibi. Sun’iy nafas oldirish uchun bemor chalqancha yotqiziladi, nafas yo’llarini ochib qo’yish uchun boshi bir oz orqaga engashtiriladi va to’liq ochish uchun pastki jag oldinga suriladi, tugmalari bo’shatiladi, og’iz bo’shligi xalqumda biror narsa bo’lsa, uni barmoq ro’molcha yoki otsos bilan olib tashlanadi.

Og’izdan-og’izga nafas oldirish usulida reanimatsiya o’tkazayotgan kishi chuqur nafas olib va og’zini bemor og’ziga maxkam bosib, uning o’pkasiga xavo puflaydi. Bunda bush turgan qo’l bilan bemor burni qisiladi. Nafaslar soni minutiga 16-20 martadan kam bo’lmasligi kerak. Nafas olish davomliligi nafas chiqarish davomliligidan ikki marta kam bo’lishi uchun xavoni tez va keskin puflash kerak.

Og’izdan- burunga nafas oldirish usulida xavo bemorning burniga puflanadi, og’zi yumiladi, pastki jag’ oldinga tortib qo’yiladi.