Namangan davlat universiteti tibbiy bilim asoslari kafedrasi tibbiy bilim asoslari fanidan amaliy

Zarur jixozlar: Isitgich, qaynatilgan suv, sochiq yoki choyshab.

Isitgichlar rezinali va elektr toki bilan ishlaydigan isitgichlar bo’lishi mumkin.

Rezina isitgich sig’imi 1-1,5 l, tiqini zich beqiladigan rezinadan tayyorlangan idishdir.

Elektr isitgichning issiqlik darajasi reostat bilan boshqariladi. Regulyatori shnurning yostikcha bilan tutashgan joyida bo’ladi.

MUZLI XALTACHA


Nazariy tushuncha. Muzli xaltacha lat yeganda, qon ketganda, o’tkir yalig’lanish jarayonlarining boshlang’ich davrida, xasharotlar chaqqanda qo’yiladi.


Ishdan maqsad. Muzli xaltachani qo’llash usulini o’zlashtirish bo’yicha amaliy ko’nikma hosil qilish.


Zarur jixozlar: Muzli xaltacha, muz bo’laklari, sochiq yoki choyshab.
Ishni bajarish tartibi. Muz mayda bo’laklarga bo’linadi va xaltachaning yarmigacha muz bilan to’ldiriladi, siqib havosi chiqariladi so’ngra tiqin yaxshilab zich qilib berkitiladi. Terini ortiqcha sovo’tib yubormaslik uchun muzli xaltachani sochiq yoki choyshabga o’rab kerakli soxaga qo’yiladi. Xaltacha ho’l bo’lsa uni artish kerak. Muz erib, suvga aylansa to’qib tashlanadi va yangi muz bo’laklari solinadi.


ZULUKLAR QO’YISH


Nazariy tushuncha. Zuluklar chuchuk suvlarda yashaydigan 2 jinsli
chuvalchanglardir. Ularning so’lak bezlarida qon ivish xususiyatini sekinlashtiradigan girudin moddasi bor.
Ko’rsatmalari: Zuluklardan tibbiyotda a’zolarda qon dimlanib qolganda maxalliy qon chiqarish qon bosimini pasaytirish maqsadida qo’llaniladi.


Moneliklari: Zuluklarni qon ivish sistemasining buzilish bilan bog’liq kasalliklar teri kasalliklari, kamqonlik kabi kasalliklarida qo’llash man qilinadi.

Zuluk solish yo’li bilan qon chiqarishning afzallik tomoni shundaki, zuluklarni boshqa usullardan foydalanib bo’lmaydigan soxalarga ham qo’yish mumkin.

Zuluklar ichiga chuchuk suv olingan og’zi doka bilan bekitilgan bankalarda saqlanadi. Suvni har kuni almashtirib turiladi. Suvda tez harakat qiladigan och, sog’lom zuluklardan foydalangan ma’qul. Bitta zuluk 2 ml dan 10 ml gacha qon so’radi. Ularni 6 tadan 12 tagacha qo’yish mumkin.