Namangan davlat universiteti tabiiy fanlar fakulteti

Flavonoidlarning ammiak bilan reaktsiyasi.
Chinni idishchaga olingan Raphanus satius L.convar o’simligining biologik faol moddalari ekstraktining spirtdagi eritmasiga ammiak eritmasidan qo’shib, suv hammomida biroz qizdirdim. Bunda flavonlar, flavonollar, flavononollarga xos zarg’aldoq sariq rang hosil bo’ldi. Bu reaktsiyani ishqoriy eritmalari bilan ham o’tkazganimda yuqoridagidek rangli reaktsiyalar sodir bo’ldi.
Qo’rg’oshin atsetat bilan reaktsiyasi.
Chinni idishga solingan Raphanus satius L.convar o’simligining biologik faol moddalari ekstrakti spirtli eritmasiga
qo’rg’oshin -atsetat spirtli eritmasidan qo’shib, yaxshilab aralashtirdim. Bunda flavonlar, xalkonlar va auronlarga xos tiniq sariq rangli cho’kma hosil bo’ldi.
Alyuminiy xlorid bilan reaktsiyasi.
Raphanus satius L.convar o’simligining biologik faol moddalari ekstraktidan tayyorlangan spirtdagi 5 ml eritmasiga alyuminiy xloridning 5% li eritmasidan bir necha tomchi tomizdim. Bunda eritma rangi ko’pchilik flavonoidlarga xos bo’lgan sariq rangga bo’yaldi.
Temir III-xlorid bilan reaktsiyasi.
Chinni idishdagi Raphanus satius L.convar o’simligining biologik faol moddalari ekstraktining spirtli eritmasidan 5 ml olib, uning ustiga temir xloridning spirtdagi 5% li eritmasidan bir necha tomchi tomizdim. Bunda flavonoidlarning ko’pchilik guruhlariga xos bo’lgan yashil rang hosil bo’ldi.
Oshlovchi moddalarni aniqlash.
Raphanus satius L.convar o’simligining biologik faol moddalaridagi oshlovchi moddalarni aniqlash uchun kolbaga Raphanus satius L.convar o’simligining biologik faol moddalaridan tayyorlangan eritmaga 10 foizli tanin eritmasidan 5 ml qo’shildi. Aralashtirib uning ustiga qo’rg’oshin asetatning 10 foizli eritmasidan 5 ml va sirka kislotaning 10 foizli eritmasidan 10 ml olib aralashtirildi va natijada oshlovchi moddalar cho’kmaga tushdi.Bundan shunday xulosa qilish mumkinki Raphanus satius L.convar o’simligining biologik faol moddalarining tarkibida oshlovchi moddalar bor ekan.