Namangan davlat universiteti kimyo kafedrasi organik birikmalarning tuzilish nazariyasi

Tajriba №3.Ftal angidridning olinishi.Ishning bajarilishi: Quritilgan probirkaga ozroq (0,1-02 g) quruq ftal kislota solib, probirka shtativ tutgichiga gorizontal holatda o’rnatiladi. Probirkadagi ftal kislota qizdirilganda sublimatlanadi va probirkaning sovuq devorlarida ftal angidrid kristallari hosil bo’ladi.
Tajriba №4.Fenloftalinning olinishi. Ishning bajarilishi:Probirkada taxminan 0,2 g ftal angidrid, 0,2 g fenol aralashtiriladi va unga 2-3 tomchi konsentrlangan sulfat kislota tomiziladi. Probirkadagi aralashma ehtiyotlik bilan ohista qizdirib suyuqlantiriladi. Suyuqlanmadan pufakchalar chiqa boshlagach qizdirish to’xtatiladi. Probirka sovugandan keyin unga 6-7 ml distillangan suv quyib chayqatiladi. Hosil qilingan eritmadam 1-2 ml boshqa probirkaga olib, unga ishqor eritmasidan tomchilab qo’shiladi. Bunda pushti rangli eritma hosil bo’ladi. Fenolftalin ishqoriy muhitda pushti rangda, kislotali muhitda esa rangsiz eritma hosil qilganligi sababli atsedimetrik titrlashda indikator sifatida ishlatiladi.