Namangan davlat universiteti kimyo kafedrasi organik birikmalarning tuzilish nazariyasi

Tajriba №5. Furanning olinishi va uni sifatiy aniqlash. Asbob va reaktivlar:Shtativ probirkalari bilan, Archa yog`ochi, sliz kislotasi, kontsentrlangan xlorid kislotasi.

Ishning bajarilishi:Probirkaga 0,2-0,3 g sliz kislotasi kristallaridan solib parchalanish boshlanguncha qizdiramiz va qizdirishni davom ettirgan holda ajralayotgan bug`ga kontsentrlangan xlorid kislota bilan ho`llangan archa yog`ochi bo`lagini tutamiz. Bunda yog`och furan bug`lari ta`sirida yashil rangga bo`yaladi.

Sliz kislotasi qizdirilganda avval uch molekula suv yo`qotib va dekarboksillanib tsiklik birikma pirosliz kislotasini hosil qiladi. U esa yana qizdirilganda dekarboksillanib furanni hosil qiladi. Furanning qaynash harorati 32°C bo`lganligi uchun reaktsiya vaqtida bug`lanib ketadi.

Probirka og`ziga xlorid kislotada ho`llangan archa yog`ochini tutganimizda ajralayotgan furan bug`lari ta`sirida yashil rangga bo`yaladi.