Namangan davlat universiteti b. T. Ataxanov, M. B. Isabayev fuqarolik jamiyati fanidan

PARLAMENT PALATASI
— parlamentning tarkibiy bo‗linmasi. Palatalar 
(odatda ular ikkita bo‗ladi) o‗rtasidagi munosabatlar teng huquqlilik va deputatlar 
(a‘zolar) sonining tengligi prinsipi asosida yoki yuqori va quyi palatalar prinsipi asosida 
quriladi. Yuqori va quyi palatalar prinsipi qabul etilganida, qonun loyihasini birinchi 
bo‗lib ko‗rib chiqadigan palata Quyi palata deb, ikkinchi bo‗lib ko‗rib chiqadigan palata 
Yuqori palata deb ataladi. Palatalar bir - biriga bo‗ysinmaydi. Yuqori palata qonun 
loyihasini rad qilishi mumkin, ammo quyi palata o‗z a‘zolari ovozlarining malakali 
ko‗pchiligi 2/3 qismi bilan uni uzul - kesil qabul qilishga haqli. Palatalar teng bo‗lgan 
taqdirda ular parlament vakolatini birgalikda amalga oshiradi. Yuqori va quyi palatalar 
prinsipi sharoitida ularning har biri qonunchilik jarayonida o‗z o‗rnini olishdan tashqari 
davlat hayotining u yoki bu masalalarini hal etishda boshqa mustaqil huquqlarga ham ega 
bo‗ladi. Odatda, yuqori va quyi palatalar a‘zolarining soni ham turlicha bo‗ladi. 
Birmuncha keng xalq vakilligi asosida shakllanadigan quyi palata a‘zolarining soni 
ko‗proq bo‗ladi. Odatda, son jihatdan kamroq bo‗lgan yuqori palata ko‗pincha davlatning 
qismlari, bo‗laklari (federatsiya sub‘ektlari ) vakillaridan tashkil topadi, bu vakillar yo 
aholi tomonidan saylanadi yoki mintaqalarning vakolatli yoxud ijrochi organlari 
tomonidan ta‘minlanadi, yo bo‗lmasa mintaqadagi vakolatli va ijrochi organlarining 
rahbarlari lavozimini egallab turganligi tufayli yuqori palata a‘zosi bo‗ladi.
PARLAMENT SESSIYASI
(lot. 
sessio
– yig‗ilish) — parlament (parlament 
palatalari) va parlament komissiyalarining yalpi majlisi bo‗lib o‗tadigan davr. Har bir yil 
mobaynida navbatdagi Parlament sessiyasining necha marta bo‗lishi qonun yoki odat 
bo‗yicha belgilanadi. Ko‗rsatilgan sondan ortiqcha hamda noodatiy vaqtda chaqiriladigan 
Parlament sessiyalari favqulodda (navbatdan tashqari, ekstraordinar) sessiyalar deb 
ataladi. O‗zbekiston Respublikasida Qonunchilik palatasi majlislari sessiyalar davrida 
o‗tkaziladi. Sessiyalar, qoida tariqasida, sentabrning birinchi ish kunidan boshlab kelgusi 

---

214 
yilning iyun oyi oxirgi ish kuniga qadar o‗tkaziladi. O‗zbekiston Respublikasi Oliy 
Majlisining Senati majlislari zaruratga qarab, yiliga kamida uch marta o‗tkaziladi.