Начальнику сдс мид ру

8.4-расм. Ташкилотнинг ишлаб чиқариш-хўжалик фаолиятини ва ИҚЛ реализациясини бошқаришда ахборотларнинг хатти-ҳаракати схемаси
Диспетчерлик ва бухгалтерия хизматларининг маълумотлари асосида режалаштириш бўлими (лойиҳа раҳбарининг жамоаси) у ёки бу ташкилий қарорларни ўзгартириш ёки комплекс тизимларга аниқликлар киритишга доир қарорларни қабул қилади.
Оператив-ишлаб чиқариш режаси бўйича ҳисобот маълумотлари қурилиш-монтаж ташкилотининг ташкилий-иқтисодий бўлимига (режалаштириш ва ишлаб чиқариш-техник бўлимларига) берилади. Оператив ҳисобот маълумотлари асосида ташкилий-ишлаб чиқариш жараёни (ТИЧЖ) амалга оширилади. Агарда ҳақиқий маълумотлар режадагилардан фарқ қилса, кейинги давр учун ТИЧЖ ишлаб чиқиш вақтида қайтишларни бартараф этиш бўйича ташкилий-техник чоралар қўлланилади. Бунда муҳим бўлмаган ишлардан ресурсларни олиш орқали муҳим ишларнинг давомийлигини қисқартириш ҳисобига тизимли жадвалга тузатишлар киритилиши мумкин.
Ўтган давр учун оператив таҳлил натижалари кейинги давр учун ТИЧЖни ишлаб чиқишда қўлланилиши сабабли бу иш жуда қиса муддатда, камида 3 ой ичида амалга оширилиши керак.


ҚМТ ишлаб чиқариш фаолиятининг асосий йўналишларини таҳлил этиш. Ишларни, маҳсулот ва хизматларни яратиш режасининг таҳлили

Қурилиш дастурини таҳлил этиш вақтида қуйидаги кўрсаткичлар ўрганиб чиқилади:

• 
  ишларни бошлаш юзасидан контрактга риоя қилиш;
  
• 
  ташкилот, муайян буюртмачилар ва объектлар бўйича ҚМИ кўламига доир режаларнинг бажарилиши;
  
• 
  ишларнинг узвийлиги ва ишлаб чиқариш қувватларини қўллаш;
  
• 
  ишларнинг сифати.
  

Таҳлил учун ҳисобот бериш, яъни оператив-техник, статистик ва бухгалтерлик ҳисоботларининг маълумотлари асос бўлиб хизмат қилади. Лекин ҳисобот бериш асосан режанинг ҳолатини ифодалайди, лекин бу шартларни белгилайдиган бошқа омиллар юзасидан керакли маълумотлардан таркиб топмайди. Шунинг учун қурилиш дастури таҳлили деганда ишлаб чиқариш жараёни, уни бажариш шартлари ва натижаларини тизимли ва ҳар томонлама англаш тушунилади.
Қурилиш дастурининг бажарилишига қуйидаги омиллар таъсир кўрсатиши мумкин: ресурслар билан таъминланганлик даражаси; ресурсларни оқилона фойдаланиш тартиби; табиат ва иқлим омиллари.
Биринчи гуруҳга қуйидагилар киради:
меҳнат омиллари – зарурий малакадаги ишчи кучи билан таъминланганлик, иш вақтидан оқилона фойдаланиш даражаси, меҳнат унумдорлиги;
меҳнат воситалари – машина ва механизмлар билан таъминланганлик, вақт ва қувват бўйлаб машиналардан фойдаланиш даражаси;
меҳнат предметлари – материаллар ва конструкциялар билан таъминланганлик, улардан фойдаланиш самарадорлиги.
Иккинчи гуруҳга қуйидагилар киради:
ижтимоий-иқтисодий омиллар – кадрларнинг барқарорлиги, уларнинг малака даражаси, моддий ва маънавий таъсир кўрсатиш усулларининг (рағбатлантиришнинг) таъсирчанлиги, маданий-маиший шароитлар ва бошқалар;
техник-иқтисодий омиллар – техника ва технология даражаси, ишлаб чиқаришнинг ихтисослашуви, меҳнатни ташкил этиш даражаси, уюшқоқлик даражаси.
Ишлаб чиқариш жараёнига турли омилларнинг таъсирини ўрганиш вақтида уларнинг айримларининг ва биргаликда ташкилот фаолиятининг кўрсаткичларига таъсир тури аниқланади.