Начальнику сдс мид ру

8.3. Лойиҳаларни бажаришда бошқарув қарорлари ва ташкилот фаолияти кўрсаткичларининг таҳлили ва можароли масалаларни ҳал этиш усуллари

Таҳлил бошқарув вазифаларидан бири сифатида бошқарувнинг энг муҳим воситаларидан биридир. Раҳбарнинг ҳеч бир қарори дастлабки таҳлилсиз қабул қилинмайди. Фақат таҳлил асосидагина ҳал этилаётган масала юзасидан вазиятни тўғри баҳолаш ва заҳираларни аниқлаш мумкин.

Лойиҳани бажариш – бу, биринчи навбатда, кўп миқдордаги ресурсларни истеъмол қилиш, қайта ишлаш ва улардан фойдаланиш жараёни. Табиийки, бу босқичда ИҚЛни бошқариш алоҳида эътиборни, ишлаб чиқариш жараёнига пухта тайёргарлик кўришни, лойиҳани бажаришда иштирок этувчи ташкилотларнинг ишлаб чиқариш-хўжалик фаолиятини ҳар томонлама таҳлил қилишга асосланган қарорларни қабул қилишни талаб этади.
Таҳлилнинг асосий вазифаси – ишлаб чиқариш жараёнини бошқариш, бошқарув қарорларини қабул қилиш услубларини асослаш ва такомиллаштириш ҳамда амалдаги ва истиқболли заҳираларни аниқлаш. Бу вазифа лойиҳани ўз муддатида бажариш ва қурилиш-монтаж ташкилотларининг ишлаб чиқариш-хўжалик фаолиятини яхшилашга доир заҳираларини ақниқлашни назарда тутади: меҳнат унумдорлигини ошириш, ҚМИ таннархини камайтириш ва фойдани (даромадни) ошириш. Таҳлил давомида ташкилот ишидаги камчиликлар ойдинлаштирилади ва бу уларни ўз вақтида бартараф этиш тадбирларини режалаштириш ва амалга ошириш имконини беради.
ИҚЛни бошқаришда ва лойиҳани бажаришда қатнашувчи ташкилотларнинг ишлаб чиқариш-хўжалик фаолиятини таҳлил қилишнинг дастлабки, кейинги, амалдаги ва оператив (тезкор) турлари мавжуд.
Дастлабки таҳлил режаларни ишлаб чиқиш вақтида бошқарув қарорларини қабул қилиш учун асос бўлиб хизмат қилади. Кўрсаткичлар барча тизимининг дастлабки таҳлили режанинг мақбул вариантини танлаш имконини беради.
Кейинги таҳлил ИҚЛ учун якуний ҳисобланади. У лойиҳанинг барча ҳаётийлик даври юзасидан ишларни якунлашга қаратилган. Бундай таҳлил натижалари навбатдаги ИҚЛлар бўйича контрактларни тузишда ва навбатдаги ИҚЛларни режалаштиришда қўлланилади.
ИҚЛни бажаришд қатнашувчи ташкилотлар учун ИҚЛнинг қисмлари ва бутун лойиҳани, шунингдек қурилиш дастури кўрсаткичларини ўз вақтида бажариш ҳаётий аҳамият касб этади: ишлар кўламини, таннарх ва фойда режасини, молиявий режани. Санаб ўтилган барча режалар шу йил ва муайян даврлар – ой, чоракка мослаб тузилади.
Йиллик режа таҳлили шу йил таҳлили дейилади. У бир йилда хўжалик фаолиятининг якунланишига тўғри келади.