N. Husanov, S. Shokirova, K. Shayxova

Savollarga javob bering 
1. Ish samaradorligini eng yuqori darajasiga erishish omillari nimadan iborat? 
2. Nega dengiz suvi ichish uchun yaramaydi? 
 
O‘ZBEKISTONNING JAHON BOZORIDAGI O‘RNI 
Bugungi kunda Markaziy Osiyo, Rossiya, Yevropa yo‘llarida “UzDEU avto” 
korxonasida ishlab chiqarilgan “Neksiya”, “Damas”, “Tiko”, “Matiz”, “Dons”, 
“Lassetti” avtomobil markalarini uchratish mumkin. Xalqaro ekspertlar xulosasiga 
ko‘ra bu mashinalar nafaqat markali avtomobil sifatida, balki yaxshi sifati bilan ham 
ko‘zga tashlanmoqda. Avtomobillar oson haydalishi, komfortabel jihozlanganligi va 
boshqa jihatlari bilan xaridorlar tomonidan yuqori baholanmoqda. Mazkur avtomobil 
markalari Rossiya bozorida “Folksvagen” va “Volvo” avtomobillari bilan bir 
qatordan o‘rin olgan. Asaka avtomobillari arzonligi va tejamliligi bilan ajralib turadi. 
Avtomobil ishlab chiqarish korxonasi nafaqat o‘zining mahsulotlari, balki, yengil 
avtomobil tuzatish va xizmat ko‘rsatish sohasida ham butun dunyoga mashhur. 
Avtokorxona xaridorlarning talablarini hisobga oladi. Shuning uchun 
mashinaning kuchi germetik saloni, rangli gammalari kengaytirilgan. 
UzDEU avtomobil korxonasining mahsuloti Rossiya bozori qatorida Minsk va 
Buxarest bozorlari rastalaridan o‘rin olgan. Yaqin orada, Varshava bozorida ham 
korxona o‘z mahsulotini sotuvga qo‘yishni rejalashtirmoqda. Shunday qilib, 
“UzDEU” avtokorxonasining sifatli mahsulotlari jahon bozorlariga ishonch bilan 
kirib bormoqda. 
Topshiriq: 
Matnni o‘qing, reja tuzing va so‘zlab bering. Gaplarning uslubiga e’tibor 
bering. 
 

---

 63
VATANIM – KATTA IMKONIYATLAR MAMLAKATI
O’zbekiston Respublikasi Markaziy Osiyoda, Amudaryo bilan Sirdaryo 
oralig‘ida joylashgan bo‘lib, uning hududi shimoli g‘arbda Turon pasttekisligini, 
janubi–sharqda Tyan-shan va Oloy tog‘ tizmalarini, janubiy g‘arbda Qizilqum 
cho‘llarining bir qismini egallaydi. 
O’zbekiston Respublikasi tarkibiga: 12ta ma’muriy viloyatlar va 
Qoraqolpog‘iston Respublikasi, 157 qishloq tumani, 123 shahar va 104 shahar 
tipidagi qishloq kiradi. Davlatning poytaxti – Toshkent. 
O’zbekistonda 100 dan ziyod millatlar va elatlarning vakili bo‘lgan 25 milliondan 
ko‘proq kishi yashaydi. Aholining 72% ni o‘zbeklar tashkil etadi. 
O’zbekiston – katta imkoniyatlar mamlakati O’zbekistonda hamma narsa: 
tabiat boyliklari, hosildor erlar, mehnat resurslari, iqtisodiy, ilmiy, texnikaviy va 
ma’naviy imkoniyatlar mavjuddir. 
O’zbekistonning 
mehnatsevar, 
iste’dodli va mehmondo‘st xalqi – bu 
Respublikaning chinakam boyligidir. Bizning davlatimiz aholining o‘sish sur’atlari 
va mehnat resurslari yuqori bo‘lgan mintaqa hisoblanadi. Markaziy Osiyodagi barcha 
mehnat resurslarining 40%ga yaqini O’zbekiston hissasiga to‘gri keladi. 
O’zbekiston qimmatbaho xom ashyo-paxta yetishtirib beradigan jahondagi eng 
yirik o‘lkalardan biri hisoblanadi. Xalqimiz paxtani haqli ravishda “oq oltin” deb 
ataydi. 
Topshiriq: 
1. Matnni o‘qing, savollar tuzing. Savollar asosida so‘zlang. 
2. Quyidagi so‘z va so‘z birikmalarini rus tiliga tarjima qiling va yozing: tog‘ 
tizimlari, tarkib, elat, tabiat boyliklari, mehnat resurslari, hosildor yerlar, o‘sish 
sur’atlari, yirik o‘lka, hissa. 

---

 64