N. Husanov, S. Shokirova, K. Shayxova

 
Topshiriq: 
Matnni o‘qing, reja tuzing va so‘zlab bering. Bizga zamondosh bo‘lgan iqtisodchilar 
haqida fikringizni bildiring. 
Matnda egalik affikslarining ifodalanishiga e’tibor bering. 
 
MAQSUD SHAYXZODA “YILLARNING SALOMIN YILLARGA ELTIB” 
SHE’RIDAN PARCHA 
Yillar o‘tib ketar bizdan so‘ramay,
Yakshanba, dushanba, seshanba kabi.
Kunduzlar tunlarning sochin taramay,
O’polmas tonglarning pushti rang labin.
Ha, yillar o‘tadi, zamon ketadi,
Sen va men qolamiz aziz birodar.
Yurt qolar, el-ulus qolar abadiy,
Va biz quvonch tashib pochtalon qadar.
Yillarning salomin yillarga eltib,
Boramiz yillardan yillarga o‘tib. 
Topshiriq. 
She’rni oqing, mazmunini tushuntiring va yod oling. 
 
ABDULLA ORIPOV 
Abdulla Oripov hozirgi o‘zbek she’riyatining yirik vakili, mohir tarjimoni va 
jamoat arbobidir. 
Abdulla Oripov 1941 yil 21 martda Qashqadaryo viloyatidagi Neko‘z 
qishlog‘ida tug‘ilgan. 1958 yili o‘rta maktabni oltin medal bilan bitirib, shu yili 
Toshkent Davlat Dorilfununi filologiya fakultetiga o‘qishga kiradi. 
A. Oripov o‘quvchilik yillaridayoq she’rlar yozishda mashq qila boshlagan. 
Uning ilk she’rlari birinchi marotaba tuman gazetalarida e’lon qilinadi. 
Talabalik yillarida esa she’rlari jumhuriyat matbuotida bosilib chiqib, adabiy
jamoatchilik e’tiborini tortdi. 
Shoirning ilk tuplami 1965 yili shoir Mirtemir tahriri ostida "Mitti yulduz" 
nomi bilan nashr qilinadi. Shundan so‘ng 1966 yilda "Ko‘zlarim yo‘lingda", 1969 yili 
"Onajon", "Ruhim", 70 - yillarda "Buloq,", "O‘zbekiston", "Yurtim shamoli", 
"Hayrat", "Yuzma - yuz", 80 - yillarda esa "Najot qal’asi", "Yillar armoni" kabi qator 
to‘plamlari chop etildi. 
1968 yil Abdulla Oripov Oybek, Uyg‘un, Mirtemir tavsiyalari bilan 
Yozuvchilar uyushmasi a’zoligiga qabul qilinadi. U avval "Yosh gvardiya" 
nashriyotida, keyinroq, G‘afur G‘ulom nomidagi adabiyot va san’at nashriyotida 
bo‘lim muharriri, “Sharq yulduzi” jurnalining she’riyat bo‘limi mudiri, O‘zbekiston
Yozuvchilar uyushmasining adabiy maslahatchisi, Yozuvchilar uyushmasi Toshkent 

---

 56
bo‘limi mas’ul kotibi, "Gulxan" jurnali bosh muharriri, O’zbekiston Respublikasi 
Yozuvchilar uyushmasi kotibi lavozimlarida ishladi. 
Abdulla Oripov O‘rta asr ital’yan shoiri Dantening "Ilohiy komediya"sidan 
"Do‘zax" dramasini, venger dramaturgi Xeltonning "Soqov ritsar" nomli she’riy 
dramasini, Pushkin, Nekrasov she’riyatini o‘zbek tiliga tarjima qilgan. 
A.Oripov 1983 yili Hamza nomidagi Respublika Davlat mukofotiga sazovor
bo‘ldi. Unga adabiyot sohasidagi xizmatlari uchun 1989 yili "O‘zbekiston Xalq 
shoiri" unvoni berildi. U O‘zbekiston Qahramoni hamda Yozuvchilar uyushmasining 
raisidir.