N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Tufelka infuzoriyasi ko’paytirilgan suvli namunadan tomizgich bilan biroz olinib, buyum oynasiga tomiziladi va qoplag’ich oyna bilan yopiladi. Preparatni oldin kichik obyektivda, keyin katta obyektivga o’tkazib, infuzoriyalarning keng tarqalgan turlaridan stilonixiya, karnaycha, spirostomum va suvoykalarni harakatini kuzating.

2-ish. Mikroskopning katta obyektivida har xil infuzoriyalarning kipriklarini tanada joylashishi va ularning harakatini kuzatish uchun, qoplag’ich oynacha ostidagi ortiqcha suv filtr qog’ozi yordamida so’rib olinadi. Infuzoriyalar harakatdan to’xtagandan keyin stilonixiyaning sirrilarini, karnaycha, suvoyka va spirostomumlarni kipriklarini joylashgan joyi va harakatlarini kuzating. Ushbu preparatda yana ulardagi qisqaruvchi vakuollarini tuzilishi, joyi va qisqarishiga e’tibor bering.

3-ish. Infuzoriyalarning yadro apparatini ko’rish uchun namunalardan tomizg’ich bilan biroz olib soat oynachasiga o’tkaziladi va ustiga bir tomchi sirka kislota eritmasi va metil yashilning suvli aralashmasi solinadi. Ushbu aralashma ta’sirida yadro apparati yashil rangga bo’yaladi.

4-ish. Barcha ko’rilgan infuzoriyalarning tuzilishini daftaringizga rasmlarini chizing va ifodalab qo’ying.