N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

A. 1-b,i; 2-a,d; 3-c,e B. 1-a,b; 2-c,e; 3-d,i

C. 1-a,i; 2-b,d; 3-c,e D. 1-b,e; 2-a,d; 3-d,i
5. Qaysi soxtaoyoqlilarda jinssiz va jinsiy nasllarining almashinuvi sodir bo’ladi?

A. Chig’anoqli amyobalar B. Parazit amyobalar

C. Foraminiferalar D. Oddiy amyoba
Mavzuni mustahkamlash uchun savollar

1. 
   Oddiy amyobaning sistematik o’rnini ayting.
   
2. 
   Amyoba tanasidan modda almashinuvi natijasida hosil bo’lgan chiqindi mahsulotlari qanday chiqariladi?
   
3. 
   Ektoplazma va endoplazma nima?
   
4. 
   Chig’anoqli ildizoyoqlilarning vakillari va ularning o’ziga xos belgilarini ayting
   
5. 
   Foraminiferalar qanday ko’payadi?
   

XIVCHINLILAR SINFI - MASTIGOPHORA
Xivchinlilar sinfiga 8 mingdan ortiq tur kirib, ular ham sarkodalilar singari turli ekologik muhitlarda yashovchi bir hujayralilarni o’z ichiga oladi. Ularning bir guruhi dengiz va okean suvlarida plankton usulda erkin yashasa, boshqa bir guruhi turli-tuman chuchuk suv havzalarida uchraydi. Ushbu sinfning anchagina turlari xilma-xil umurtqasiz va umurtqali hayvonlarning, shuningdek odamning parazitlari sifatida yashab, ancha og’ir kasalliklarni kelib chiqishiga sababchi bo’ladilar.

Xivchinlilar o’zlarining bir qator xususiyatlari bilan nazariy ahamiyatga ega bo’lgan hayvonlardir.

Ularning barchasida harakatlanish organellalari qilsimon xivchinlilardan iborat. Xivchin ham soxta oyoqlar singari sitoplazmatik o’simta bo’lib, u bitta, ba’zilarida ikkita, to’rtta va undan ham ko’p bo’lishi mumkin. Ayrim turlari hayot siklining ma’lum bosqichlarida soxta oyoqlar ham paydo qiladi. Shuning bilan birga, ayrim guruh vakillarida butun hayoti davomida ham soxta oyoqlar va ham xivchin bo’ladi. Bunday xususiyatlar sarkodalilar va xivchinlilarning bir ajdoddan kelib chiqqanligini ko’rsatadi.

Xivchinlilar tuzilishi va oziqlanish usullariga qarab, o’simliksimon xivchinlilar (Phytomastigina) va hayvonsimon xivchinlilar (Zoomastigina) kenja sinflariga ajraladi.

2 – mashg’ulot