N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Zohid qisqichbaqalar. Ushbu qisqichbaqalar o’noyoqlilar turkumining chala dumlilar kenja turkumiga mansubdir. Zohid qisqichbaqalarning qorin qismi yumshoq bo’lganligi sababli, uni qorin oyoqli mollyuskalarning bo’sh chig’anoqlariga solib yuradi. Bu bilan ular o’zlarini dushmanlaridan himoyalaydi. Qisqichbaqaning gavdasini o’sib yiriklashishi jarayonida, eski chig’anoqni tashlab, kattaroq bo’sh chig’anoqni topib, qornini solib oladi. Ko’pgina zohid qisqichbaqalar o’z dushmanlaridan saqlanish maqsadida aktiniyalarning kuydiruvchi hujayralaridan foydalanadi. Shuning uchun zohid qisqichbaqa o’zining chig’nog’i ustiga aktiniyani olib yuradi. Aktiniya esa qisqichbaqaning ozig’iga sherik bo’ladi.
Ishni bajarish

1-ish. Vannochkalarga krevetkalar, krablar va zohid qisqichbaqalarni qisqich yordamida joylashtirib, qo’l lupasi yordamida ularning tuzilish belgilari, oyoqlari, qornidagi organlari va boshqa tuzilish xususiyatlarini sinchiklab ko’zdan kechiring. Tashqi organlarining turli-tumanligiga e’tibor bering.

2-ish. Krevetka, tosh krab va zohid qisqichbaqasini umumiy ko’rinish rasmlarini daftaringizga chizing va gavda qismlarini ifodalab qo’ying.