N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Mashg’ulot maqsadi. Daryo qisqichbaqasi misolida o’noyoqli yuksak qisqichbaqalarning tashqi tuzilishi va gavda bo’limlaridagi organlarning funksiyalarini o’rganish.

Mashg’ulot uslubi. Daryo qisqichbaqasining tuzilishini aks ettiruvchi rangli jadvallardan tushuntirish; elektron animatsiyalar demonstrasiyasi; savol-javob orqali talabalar bilimini baholash.

Kerakli jihozlar. Daryo qisqichbaqasini tashqi tuzilishini aks ettiruvchi jadvallar, fiksatsiyalangan va ichi yorilgan daryo qisqichbaqalari, elektron animatsiyalar, qo’l va stol lupalari, Petri idishlari, parafinli idishlar, har xil qaychilar va jarrohlik pichoqlari, karton bo’laklari, tikuv ignalari, doka salfetkalar.