N. B. Dilmurodov

Bukuvchi muskullar – flexor.
Deltasimon muskul – m.deltoideus
akromial hamda kurak bo‘limlariga 
bo‘linadi.
Akromial qismi – 
m. deltoideus acromialis
kurak suyagi o‘simtasidan 
(akromial) boshlanadi.
Kurak suyagi qismi – 
m. deltoideus scapularis
o‘q orqa muskulidan va kurak 
suyagining orqa burchagidan boshlanadi. Ikkala qismi ham elka suyagining 
deltasimon (g‘adir-budir) qismida tugaydi. Vazifasi: elka bo‘g‘imini bukadi. 
Bu muskul cho‘chqa va itlarda yaxshi taraqqiy etgan. Otlarda faqat kurak 
suyagi qismi rivojlangan. 
Kichik yumaloq muskul – m.teres minor
deltasimon muskul ostida 
joylashib, kurakning orqa burchagi pastki qismidan to tirsak chizig‘igacha keladi. 
Vazifasi: elka bo‘g‘imini bukadi. 
Qo‘ylarda bu muskul uchburchak shaklda bo‘lib, ustki yuzasi pay parda 
bilan qoplangan. 
Katta yumaloq muskul – m.teres major 
kurak osti muskulining orqasida 
yotadi. U kurak suyagining orqa burchagidan boshlanib, kichik bo‘rtikning 

---

tarog‘ida tugaydi. Elkaning keng muskuli bilan qo‘shilishadi. Vazifasi: elka 
bo‘g‘imini bukadi. 
Bu muskul hamma qishloq xo‘jalik hayvonlarida bir xilda joylashadi. 
YAqinlashtiruvchi va uzoqlashtiruvchi muskullar. 
Kurak osti muskuli
– 
m. subscapularis
kurak osti chuqurchasidan 
boshlanib, elka suyagining medial yuzasida tugaydi. Vazifasi: elka bo‘g‘imini 
yaqinlashtiradi. 
O‘q orqasi muskuli – m.infraspinatus
o‘q orqasi chuqurchasidan boshlanib, 
ikkita tarmoq hosil qilib tugaydi: muskulli tarmog‘i – elka suyagining yon muskul 
bo‘rtigida; payli tarmog‘i – katta bo‘rtikning yon yuzasida tugaydi va bu erda 
shilliq so‘mka hosil bo‘ladi. Vazifasi: elka bo‘g‘imini uzoqlashtiradi.