N. B. Dilmurodov

Yarim pay muskul – m.semitendinosus
quymich suyagidan boshlanib, 
katta boldir suyagi tarog‘ining medial tomonida va tovon do‘ngligida tugaydi. 
Vazifasi: tos – son bo‘g‘imini va tovon bo‘g‘imini yozadi, tizza bo‘g‘imini bukadi. 
Hayvonlardagi farq qiluvchi xususiyatlari. 
Otda – oxirgi dumg‘aza 
umurtqalaridan, dumg‘aza – qo‘ymich payidan va quymich do‘ngligidan 
boshlanib, katta boldir suyagi tarog‘ining medial tomonida va tovon do‘ngligida 
tugaydi. Boshqa hayvonlarda bir xilda joylashadi.
Yarim parda muskuli – m.semimembranosus
quymich suyagidan 
boshlanib, to son va katta boldir suyagining ichki bo‘rtigigacha boradi. Vazifasi: 
tos – son bo‘g‘imini yozadi va tovon bo‘g‘imini bukadi. 

---

Hayvonlardagi farq qiluvchi xususiyatlari. 
Otda – dumg‘aza – quymich 
payidan va quymich do‘ngligining pastki yuzasidan boshlanadi. Boshqa 
hayvonlarda bir xilda joylashadi. 
Sonning kvadrat muskuli – m.quadratus femoris
quymich suyagining 
pastki yuzasidan boshlanib, son suyagining orqa yuzasida tugaydi. Vazifasi: tos – 
son bo‘g‘imini yozadi. 
Hamma qishloq xo‘jalik hayvonlarida sonning kvadrat muskuli bir xilda 
joylashgan bo‘ladi. 
Tos – son va tizza bo‘g‘imi muskullari 
Bukuvchi muskullar – flexor.
Sonning keng fassiyasini taranglovchi muskul – m.tensor fasciae
latae 
maklokdan to son fassiyasigacha keladi. Vazifasi: tos – son bo‘g‘imini bukadi va 
sonning keng fassiyasini tortib turadi. 
Hayvonlardagi farq qiluvchi xususiyatlari. 
Otda – bu muskulning orqa cheti 
sag‘rining yuza muskuli bilan yaqin bog‘langan bo‘ladi; oldingi cheti sonning 
oldingi chegarasi bo‘lib xizmat qiladi. Itda – muskulning ikki qismi bo‘ladi: ular 
yonbosh suyagining yon do‘ngligidan hamda sag‘ri fassiyasidan boshlanadi.