Н. А. Самиғов, Ф. Д. Жўраева, Сайдуллаев А. Б

ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Табиий тош материаллари ва буюмларини ташиш ва сақлашда уларни 
механик, об-ҳаво таъсирларидан сақлаш зарур. Айниқса жилоланган 
плиталар ташилаётганда, туширилаётганда эҳтиёт чоралари юқори бўлиши 
керак. Бундай плиталар орасига қоғоз қўйилиши лозим. Архитектура 
қисмлари контейнерларда ташилгани маъқул. Қоплама тош плиталари 
омборларда ва бостирмаларда хилларга ажратилган ҳолда сақланади. 
6. Табиий тош материалларни емирилишдан сақлаш усуллари 
Табиий тош материаллари бино ва иншоотларда ишлатилганда табиий 
ва техноген омиллар таъсирида бузилиши мумкин. Бу омилларга асосан 
қуйидагилар киради: ёриқлар ва ғовакларда сувнинг музлашидан ҳосил 
бўладиган ички зўриқишлар; ҳарорат ва намликнинг кескин ўзгаришидан 
микроёриқлар ҳосил бўлиши; сизиб ўтувчи сув таъсирида тош 
компонентларининг ювилиши; атмосферада мавжуд SO
2
, CO
2
ва ш.к. газлар, 
оқава ва сизот сувлар таркибида бўлган ишқор, кислота, туз, углевород 
қолдиқлари, минерал ўғитлар таъсирида юз берадиган кимёвий коррозиялар 
ва х.к. 
Ғовак тошларни емирувчи мухитлардан ҳимоялаш учун юза қисмларини 
зичлаштирувчи моддаларга шимдириш, сув юқтирмаслигини таъминлаш 
учун гидрофоб моддалар сепиш мумкин. Зич тошларни сув таъсиридан 
сақлаш учун сиртини силлиқлаш, жилолаш зарур. Бунда зич ва силлиқ 
юзадан сув тез ва тўғри оқиб ўтади. 
Оҳактош ва доломитларнинг юзасини кремнефторлаш (флюатация, 
қоплаш) усулида зичлаштириш мумкин. Ғовак тошларни термореактив ва 
термопластик полимерлар билан шимдириб, зичлиги, мустаҳкамлигини 
кескин ошириш мумкин. 

---

72 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Тош юзасига кремнийорганик суюқлик (ГКЖ-10, ГКЖ-94), эмулсиялар 
(битум эмулсияси) шимдириб сув юқтирмайдиган гидрофоб хусусиятни 
бериш мумкин.